|
مشكور اخوي IE والاخ بوبدر الغيص
ورحم الله الشاعر الاديب منصور الخرقاوي واسكنه فسيح جناته اللهم آمين |
مقابله مع الشاعر منصور الخرقاوي [ame]http://www.youtube.com/watch?v=suOklZqHAz0[/ame] |
و قد قال الشاعر منصور الخرقاوي هذه القصيدة بعد ما رأى الاحياء القديمة و هي تهدم متحسرا على جيرانه الذين جاوروه على الحلوه و المره في السابق:
يادار وين الـــي عـــلـى الــحي باقيــــــن ،،، قصف الشوارع كالمنايا للأعـمار وين الــرزاقه و الــعـوازم مــقيميـــــــن ،،، لا فرق الله شمل الأجــــواد يــادار أمشي و أهوجس و أقصر خطاي والين ،،، لولا المنارة تهت من هول ما صار في مفرق الشــارع و بين الفــريجــيــن ،،، وقفت مــبهـوتـن و قفـيـت مـحــتـار يــاعــونــة اللــه ويــن ذيـك الــدواويـن ،،، وين النشاما معدن الجود و الــكـار أحـد تــكــايــف و أحــدن خــاطـره شيــن ،،، الأمر فوق الكل و الناس الأسـرار الــلــي بــقــا لازم تـجــيـــه الـنـياشــيــن ،،، ماله مفر من الكـلـكتـر و الأغـبـار عندي خـبـر مـحنـا من الـنـاس مسـويـن ،،، لـو شتـتونا يوصـل الـجـار لـلـجــار أبيات معبره للشاعر منصور الخرقاوي يمدح فيها تلك الاحياء و عادات أهلها بالتواصل و التراحم و يتحسر على تلك الأحياء. جريدة الأنباء الجمعة 14 يليو 1995 العدد 6884 عندى خبر قيلت هذه القصيدة عام 1953م تحسرا على الاحياء بعد هدمها |
الله يرحمه ويغفر له
بارك الله فيكم ،،، |
1 مرفق
اقتباس:
ولدى نسخه منه وهذى صورة الديوان اذا بغيت ادور عليه http://www.kuwait-history.net/vb/att...1&d=1254979521 |
موجود الديوان بكل مكان :).. يباع بالمجلس الوطني ودار ذات السلاسل وغيرها
وان شا الله تجده بمعرض الكتاب |
من اجمل قصائد الشاعر المرحوم (منصور الخرقاوي) هب الهوى وغناها الفنان الكبير صالح الحريبي واجاد وقيلت هذه القصيدة عام 1967 ... يقول الشاعر فيها :
هب الهوى وناداني اسمع حلو الألحان ما احلا نشيد السامر ترنع بها الطيران الليل سر الخاطر غنى بقول الشاعر والبدر نوره سافر ينادم السهران حلو النغم يحلالي ذكر الماضي في خيالي مثل الحبيب الغالي عزيز من خلاني ارتاح ويطرب قلبي يبعث سروري وحبي صوت جماله يسبي يحرك الأشجاني |
من اجمل واروع ما كتبه الشاعر منصور الخرقاوي مرثيته في زوجته اللي عشقها وظل وفيا لها بعد موتها ثلاثون عام حتى توفاه الله في لندن بمرض السرطان ... وقد سطر فيها اعظم معاني الوفاء حيث يقول في ابياتها التي نظمها عام 76 :
كرهت الجيل من غير اختياري أخاف الشوق يحرقني بناري الي مني ذكرت اللي فقدته تمزع خاطري كثر العبارى مثل ما مزع الغيم الهبوب او اللي مزعه ضرب الشباري سعى بالعلم لي يوم الخميس مود لي من الحبان جاري يقول اعليت يامنصور اصبر ولاتجزع وحكم الله جاري نظيف الجيب محمود الخصالي حياتي عزوتي وسراج داري اطب اللحد وانا مستريب تقل للموت ماخوذ اجباري احس بلهفة تفلج عظامي دفنت الترف في دار القراري اعزي خاطري واهل التعازي وعلى شان البزور اضحك واداري وانا مثل السغينة في بحرها وضرب ارياحها بتبت عماري رثى لي كل خصم وكل جاسي شهد ليلي على هومت نهاري اصيح الداد لي صاحوا عيالي يصيح بوحدتي تسعين طاري وقلبي مايفيد به التسلي ولو كل النسا عندي جواري وانا ماني بسلطان او وزير ولكن حكم نور العين ساري ومن ضاق الفراق الله يعينه الا ياسور بيتي يا جداري الف رحمة على قبر طواك يعله روض تسفيه الجواري رعاك اله يا مولى الكرامة بكى كل واحد بالعلم داري يعزيني بفقدك كل طيب ولو كف الدهر أحكم سطاري ابصبر واتسلى في خيالك ولو فرقاك يكشفه اصفراري ولو يشري الصبر اشريه بروح لجل قلبي على الصكات ضاري ولكن يذكرني رثاك كرهت الجيل من غير اختياري واود ان اذكر ان من اخبر الشاعر منصور بوفاة زوجته هو جاره في حولي الشاعر الكبير المرحوم (مرشد البذالي) حيث كانت زوجته ترد مع زوجة الخرقاوي في نفس المستشفى ... رحم الله الشاعرين واسكنهما فسيح جنانه .... |
اقتباس:
|
قصائد جميله من شاعر ابحر في سماء الشعر
و تعبيرات جميلة أستمتعت بها رحم الله شاعرنه المبدع |
| الساعة الآن 10:04 PM. |
Powered by vBulletin® Version 3.8.7, Copyright ©2000 - 2024
جميع الحقوق محفوظة لموقع تاريخ الكويت