تاريخ الكويت - الفزعه يالنشاما

(( الشاعرة- سبيكه الخليف ))

لقد اشتهرت عائلتها بالشعر من عهد الجد الشيخ عبد الله الخليف ,, وعندما بلغت سبيكه سن الزواج زوجها ابوها من واحد من اهل الكويت فضاقت فيها الوسيعه لانها متعوده في الزلفي ترعا الغنم وتروح والسقاي يجيب الماء لها وهي بالبيت بالقوطي فقالت الابيات تتوجد لحالها ةتحن لمرتع صباها.

لاعـــاد عـــيد تعيـــدته بخيطاني ********** كل تهنا ونا عيني شقاويه

يأهل النضـا مـن يخاوينـي لسمنانـي ********** اما علـى الجيـش والا قـوه رجليـه
امـرح واروح واقيـل فـوق غدرانـي ******** ولـد العجـم مايجيبـه لـي بقوطيـه

من دون اهلنا يقيف الذيـب سرحانـي ******** بامـن مـن البعـد والـدو الحلاويـه

نجـر غـروس يبـان لكـل ولهـانـي ******** ماهـن قراحـن شرابـه منوتـن ليـه
ماهـوب يحجـب ولا يجـاب بأثمانـي ******** مسبلـه والـدي زبــن الجـلاويـه
عنـده اخوانـي لهـم بالفعـل ميدانـي ******* كسابـة الطايـلـه نطـاحـة لـيـه
اهل الصحا والوفـا خطـلان الايمانـي ******* من نسل وايل ماهوب الطيب عاريه
في مجلس منـوة اللـي جـاه عمسانـي ******* يلقـا دلالـن علـى النيـران مركيـه
والهيـل يشـرا ولـو بغالـي الاثمانـي ******* يشـرون لوغليـت الاسعـار بـريـه
زبـن لمـن جالهـم خايـف وجيعانـي ******* من لاذ فيهم تعدت راسه السيه
ويلقـا بعـد سفـره قـرح الفـانـي ****** للضيف والجـار واللـي مـر طرقيـه
عوايد ماشيه من نسل جدانـي ****** توارثوها من الجدان جيلـه

وعقب ماقالت ها القصيده راح احد اخوانها وطلقها منه غصب وجابها للزلفي ,,واسمحلي على القصور ..