تاريخ الكويت

تاريخ الكويت (http://www.kuwait-history.net/vb/index.php)
-   فيلكا (http://www.kuwait-history.net/vb/forumdisplay.php?f=104)
-   -   gargary او كركري (http://www.kuwait-history.net/vb/showthread.php?t=1991)

GARGARY-FELICHAWE 27-12-2008 04:43 PM

gargary او كركري
 
الله بالخير

ودي اعرف كل التفاصيل عن عايلتي
خل اقولكم الي اعرفه و الي يقدر يساعدني بالباجي اكون مشكور

gargary او بالعربي كركري
بس اهيه بالكويتي تنقرى مثل الي كاتبها بالانجليزي
لانه ماكو حرف G بالعربي

عايله فيلكاويه
موجوده في موضوع عوايل فيلكا ولكن مو كاتبين اسم العايله
كاتبين اسمي يدي
عبدالله احمد صالح

كركري اهيه مهنه قديمه
و اهيه عباره عن بين نوع من الحلويات اسمه كركري او gargary
فكان الي يبين هذا النوع من الحلويات يصرخ بالشوارع
كركري كركري كركري

فكانو الناس ينادونه كركري كركري تعال
مثال يعني

فمشه الاسم على هالشخص
يعني اهوه اسم لمهنه و ليش لشخص
مثله مثل النجارو الحداد و غيرهم

هذا الحجي الي اعرفه
بس الي ودي اعرفه من وين اصل عايلتنه ؟!
من وين يايين اساسا ؟!


عايلتنه ما فيها الا جدي و اخوه
و جدي ياب ابوي بس و اخوه ياب ولد واحد بس
يعني عايلتنه نتفه :)

و ولد عم ابوي ما اعرفه صراحه
و ابوي ملعوزني
ما آخذ من كلمه
كل ما احاجيه يطنز علي
مره ايقولي احنه عوازم :p
مره ايقولي احنه فارسيين
مره ايقولي من بابل

يعني مقزرها علي


كلمت خواتي بالموضوع ايقولون انه يدتي قايلتلهم
انه اصلنه الجسمي ؟!
بس مادري اشك بالشي هذا

و اذا صج شنو الجسمي و من وين ؟!

قواكم الله
ادري شكر حجي بس ابي مساعدتكم
و ما قصرتو و آسف على الطواله

و اذا كلش كلش تنصحوني بكتاب معين


القرين 28-12-2008 02:05 AM

نعم اسرة كركري فيلكاوية وغالب اسر فيلكا هم من عرب فارس او جنوب العراق.

بس ممكن تشرح لنا اخوي ماهو نوع الحلويات (كركري)، اول مره اسمع ان في حلويات بالكويت اسمها كركري.

ممكن توصفه لنا ؟ وهل هو معروف لدى الفيلكاوية ؟

لان كركري لها معنى ثاني راح اشرحه بعد الاجابة منك.

وشكرا.

GARGARY-FELICHAWE 28-12-2008 02:20 AM

الله بالخير

انا عن نفسي ما شفته او كليته
بس الي اعرفه عنه من وصف الاهل

انه نوع من الحلويات
و ايكون مثل شعر البنات .. بس شوي يابس

و اي كويتي كبير بالعمر يعني باواخر العشرينات اكيد يعرفه
و ناطر ردج الياي


وليش انتقل الموضوع هني
كنت ابي الفيلجاويه يساعدوني
توقعت انه افضل قسم هناك :)

القرين 29-12-2008 01:40 AM

مشكور ياخوي على التوضيح..
وبصراحة اول مرة اسمع بهالنوع من الحلويات في الكويت.

على العموم توجد قرية بشمال شط بني تميم في منطقة عربستان اسمها كركر وتقع على شط صغير اسمه نهر كركر بحرف G سكنت فيها الكثير من القبائل التميمية و الربعية و البجلية والكعبية.

واعتقد انه يمكن الاسم مشتق منها مثل:

الجسمي -اللنقاوي-هندياني-جاركي-القبندي-العسلاوي-كنكوني

والله اعلم.

GARGARY-FELICHAWE 29-12-2008 10:37 PM

الله بالخير

يعني انته الي اتشوفه انه كركري يايه من منطقه كركر الي اهيه في ايران مو ؟؟
و اهمه اصلا عرب يعني ؟

شنو برايك تفسير انه مسمينه على اسم الحلويات ؟؟
تره اذا رحت حق الديره صوب اي حواي
قوله ابي قرقري يعطيك :)

والعوايل الي كتبتهم اغلبهم فيلجاويه :)

ما قصرت اخوي

GARGARY-FELICHAWE 30-12-2008 01:27 AM

الله بالخير

اسمحلي بس بثقل عليك شوي
مع كل احترامي للكلام الي قلته
بس ما عندك مصدر للكلام الي قلته ؟!

كتاب او مقاله او اي شي يثبت هالحجي ؟!

قواك الله و آسف على الازعاج

شرقاوي 30-12-2008 06:41 AM

اقتباس:

المشاركة الأصلية كتبت بواسطة GARGARY-FELICHAWE (المشاركة 7946)

شنو برايك تفسير انه مسمينه على اسم الحلويات ؟؟

السلام عليكم،

لعلها حلوى مشهوره بتلك المنطقة (كركر) فسميت الحلوى بها، ابحث عن تلك المنطقة ربما تجد رابط.

القرين 30-12-2008 02:05 PM

اقتباس:

المشاركة الأصلية كتبت بواسطة GARGARY-FELICHAWE (المشاركة 7951)
الله بالخير

اسمحلي بس بثقل عليك شوي
مع كل احترامي للكلام الي قلته
بس ما عندك مصدر للكلام الي قلته ؟!

كتاب او مقاله او اي شي يثبت هالحجي ؟!

قواك الله و آسف على الازعاج

هلا فيك ياخوي..
انا ما اجزمت بالمعلومة ، قلت (يمكن) وذكرت لك القبائل الموجودة بهالمنطقة او القرية ، وعليك انك تبحث اكثر في هذا الموضوع.
يعني مثل ماتقول اول الخيط يمكن يكون صح او يمكن يكون خطأ، كل شي وارد.
في كتب كثيرة تتكلم عن منطقة عربستان او عرب بر فارس ممكن تساعدك في معلومات تحتاجها.
بس عن نفسي ماعندي معلومة واضحة و صحيحة ، بس حبيت اساعدك اذا هالمعلومات تساعدك.

والله اعلم.

القرين 30-12-2008 10:08 PM

لقيت هذي المعلومات في موقع معلومات عراقي يمكن تفيدك.

كركري
Pronounced [Gargari]
Meaning:gergery soft nougat sweet, the meaning of the word nougat
Literal Meaning:nougat if any one sell trivial things they will call him or he is talking gergerygergery seller

الترجمة:
كركري Gargari هي حلويات (حلوى بيضاء معجونة بالفستق) لينة
المعنى اللغوي:يطلق على من يتكلم بكلام ليس له قيمة بياع الكركري.

المصدر:
http://www.wikiraqi.com/%D9%83%D8%B1%D9%83%D8%B1%D9%8A

عمار يا كويت 13-01-2009 01:03 AM

نبي الاكيد لاني للامانه اول مرة اسمع بالعايلة الكريمه


الساعة الآن 01:53 PM.

Powered by vBulletin® Version 3.8.7, Copyright ©2000 - 2024
جميع الحقوق محفوظة لموقع تاريخ الكويت