[بنت العريان]

اقتباس: المشاركة الأصلية كتبت بواسطة إشعيبه صباي    استاذي متصفح إنت تااامر 1.الخلاصه عباره عن تمر وعادة يكون الحويل وسمن وطحين محموس وعلى النار حتى يختلط ويلين ثم يقدم للاكل. 2. الشعذه عباره عن تمر وسمن وإقط ناعم مدقوق يخلط ويعفس باليد ويقدم للاكل. 3. العقيلي عباره عن طحين وبيض وهيل وزعفران وسكر ويخلط حسب الكميه ويوضع في جدير صغير وله غطاء مسطح بدون قضبه ويوضع في وسط الدووه ويغطى بالجمر حتى يستوى ويقدم للاكل وافضل شي اتغمس بالحليب. 4.اللبوه عباره عن اول حلبه من الحليب بعد الولاده سواء معزه او انعجه او بقره ويكون لونها اصفر يفوح على النار ويضاف له الهيل والزعفران والسكرويتم تحريكه حتى يتحول من سائل الى كتل صفراء وسط سائل شفاف مثل الماء ثم يبرد اودافئ ويقدم للاكل.

كلهم اعرفهم بس اللبوه احنا نسميه الالبه وهي اللي نخلي جدر ماي يغلي ونحط بداخله الجدر الاخر اللي فيه الحليب وازعفران والسكر والهيل (( حمام مائي )

ويكون نفس كريم كراميل / وبعد ما يطبخ كانت الوالده تخليه بالثلاجه لين يبرد وبعدين تقسمه علينا

حتى داخل السور هذي طبخاتنا

وجدر قرص العقيلي له مواصفات خاصه وكانت الوالده تسوى لنا القرص بالفحم لان الجدر له غطا من فوق بعد فكانت تخلي الفحم من فوق

وقرص العقيلي اللي نسويه للعيد عليه سمسم يكون خاص يعني هههههه

وان شاء الله بصور الجدر اللي كنا نسوي فيه القرص ويا حلاه ريحته مع الزعفران والهيل

واما الخلاصه احنا نسميه تمر محموس