[راعي الدار]

السلام عليكم

مشكوره اختي بنت الفحيحيل على الاهتمام بالموضوع والدقه في طرحه انا هاوي المقناص وعلى قولت الشاعر الشعر وارثينه من عمامي والخوال هم هالهوايه يكتسبه بالوراثه وانا ورثتها من الوالد ومن جدي لامي ومن ما تولعت بالمقناص صارت مثل الادمان كل ما اقول خلاص هاذي اخر سنه ويجي الموسم الجديد والا انا راجع لها .... الطريف في الموضوع انها هوايه غريب حيث انها ترمي في صاحبها بالتهلك ..

مرات بالمقناص ما نتوافق بالصيد السهل خصوصا اذا انتصف الموسم تصير الحباري شرد وتطير من بعد ولما نهد الصقر على الحباري نمشي معه على حسب سرعته ونحاول ما انضيعه بس مرات ما تجي على الكيف توصل السرعه فوق 140 واكثر ونتعرض للخطوره من انقلاب السياره والحامي الله مره كنت فوق على كرسي الوانيت ونقلب الوانيت فيني وما دريت والا انا طايح على الرمل والوانيت امكمل يقلب تدرون شنو صار الي داخل الوانيت تعور وانا احمد الله ما فيني شي..سحكات ما تذكر .. وبعدها قلت خلاص ما راح اركب فوق على كرسي الوانيت بس ثاني مقناص ركبت ورديت على ممارست هوايتي من جديد ما كن مر علي حادث

المهم انا انصح اخواني انهم يعلمون عيالهم هالهوايه لانها اتعلمهم الصبر وطولت البال ولا تنسون انها هوايه من الموروث الشعبي والي يمتاز فيه اهل الكويت
تحياتي للجميع
اخوكم راعي الدار