السلام عليكم
يعطيك العافية اخوي خالد بس حبيت ابلغك ان الطبعة الثانية للاسف مازالت تحمل بعض الاخطاء سواء الاملائية او بالمعنى نفسه وهذا كلام الوالد الله يحفظه لان بعد ماشراها وتصفحها قال ابلغك هالرسالة ومن بعض الامثلة على الاخطاء :
كلمة رازبوتي : المعنى الموجود بالكتاب يقال انها للشخص السيء واستدليت على الكلمة بالراهب راسبوتين وهذا على كلام الوالد غلط لانها كانت تقال للسيخ
كاسيرو دلة : انت ذاكر انها بنص رمضان بينما الصحيح ان اخر جمعة برمضان الاطفال يفترون بالفرجان ويجمعون فلوس عشان يشترون اغراض العيد
ذكرت كلمة دبلة في باب الدال وقلت انها دخيلة على المجتمع الكويتي لكنك ماذكرت الكلمة المرادفة لها وهي حيسة واستدل الوالد ببيت الشعر
ليتني طول عمري حيسـ (ن)ــــة في يمينه للشاعر فهد بورسلي رحمه الله
طبعا هذا بعض الكلمات لان الوالد تصفح الكتاب على السريع وما تمقل في عدل وقال يبيلة قعده سنعة عشان اطلع الاخطاء اللي في وانشالله بوافيك بالاحداث اول باول بما ان راح اكون المراسلة للوالد من قلب الحدث
وتقبل تحياتي
|