[جابر ملايوسف]

أكتب هذا الكلام وانا مستغرب من حالة التي يعاني منها المجتمع الكويتي وهي من انا ومن اي عائلة ومن اين انتمي وهذا الشي زاد في الفترة الاخيرة بشكل ملحوظ وهذا من خلال عملي فأنا معلم ورئيس قسم مادة للمرحلة المتوسطة حتى الاولاد يتكلمون فيها بشكل غريب انا عندي كلام وابيكم تحكمون شنو الفايدة لو كنت قديم بالبلد وانا انسان سلبي ماعندي عطاء حق البلد حتى في مجال عملي اي بالمعنى الاخر الاصل والفصل هي خدمة الكويت واللة الديرة هذة غالية واحنا محسودين عليها مو مهم الاصل والفصل مع أحترامي وتقديري لجميع العوائل وكلكم على راسي اقول خلنا نزرع حب علشان نحصد محبة ويعيشون عيالنا برخاء الاجداد أتعبوا وايد والبحر أكل ظهورهم وشقى وشهور طويلة بالبحر علشان عيالنا اليوم يرتاحون واحنا بعد واخر كلامي لأخواني بالمنتدى اللة يحفظ الكويت من كل شر ويحفظ اهلها الاجاويد الطيبين وشكرا لكم مرة الثانية وانا اسف على الأطالة .