[بوعمر الوزان]

وهذي ابيات القصيدة




امس الضحى عديت في نايف الجال = في عالي المرقاب راس السنادي

وهيضت ما كنيت من ضيقة البال = ودموع عيني فوق خدي ابدادي

ذكرني اللي بالغلا ما له اعدال =اللي تنكر وأستوا به عنادي

يا راشد المنعور بأشكي لك الحال = ويش انت شايف حيث رايك سدادي

واليوم يا مشكاي لا أقوى ولا احتال= ماني على الفرقا قوي الجلادي

ثلاث أهله كن هن عشرة احوال= حاربت حلو النوم و لذة ارقادي

اللي تمثنئ ثومة القلب بأخلال = بالعون مخطي يوم يطعن مقادي

من أولً شربي شهاليل وزلال = واليوم كدر مشربي به نكادي

يقول من أول يوم يزوى على الحال =وش خانة العشره وفيها اجهادي

اللي عثاقيله دبابيس و أطوال = يعمل على الأطياب مسك وزبادي

غطروف غضً غض موزن التميال = اللي نواني بالتلف والنكادي

ناب الردايف مدمج الساق كتال = هاف الحشا ما جاهل البطن زادي

والخد برقً يلعج بقوت واخيال = والخشم هندي الشجاع الحدادي

والنهد مزموم ولا دقه اعيال = صفة ثمانً جحويان الحمادي

و ريش الهدب بالعين غادي له اضلال = والعين عين الحر طير الهادي
لولا الحيا ويقال خبلً به اهبال = لا أصيح وسط السوق أصوت ونادي

لا شك اداري كلمه القيل والقال =ويقال مجنون بغا له حدادي

ولولاه ما هيضت من بدع الامثال = من جوشن يهتاش مثل الجرادي

واليا خمد ياسعيد نجْم به اكسال = وأسبوع تكميل المثل والهوادي

وصلاة ربي عد ما زايلً زال = علي نبيً للمخاليج هادي