[بدر اليتيم]

تصحيح خماجير معناها الحقيقي كالاتي خمأ كير وهو الرماد المتطاير بالهواء ماله قيمة ومثل ذلك قول الامام فيصل بن تركي في قصيدته المشهوره والتي أرسلها
لحاكم البحرين محمد بن خليفة وذلك بعد انتصاراته وعودته للحكم
وذلك بفضل الله ثم بفضل أهل الحوطة ، فقال يمدحهم
الحمد لله جت على حسن الاوفاق =وتبدلت حال العمر بالتياسير
جتنا من المعبود قسام الأرزاق = رغم على الحساد هم والطوابير
هبت هبوب النصر من سبع الاطباق = للدين عز ونقمه للخنازير
زان الكلام ودن لي بعض الأوراق =اكتب ثنا لله على حسن تدبير
من ماي عيني حين مادمعها راق = قام يتزايد حر وجده بتزفير
من عظم خطبٍ بين البار والعاق = ومن لابةٍ عرفت من فيه لي خير
مفهوم قلبي للرعابيب مااشتاق = ليضا ولا همه لجمع الدنانير
لكن من قوم عليها الردى ساق =عقب الجمايل انكروا نية الخير
مأكولهم عندي عناقيد واشناق = ومشروبهم در البكار الخواوير
ملبوسهم من طيب الجوخ مالاق =ونقلتهم بمصقلاتٍ بواتير
مركوبهم عندي طويلات الاعناق = من الخيل هي واليعملات المصاطير
قصري لهم عن لافح البرد مشراق = وفي القيظ ظل من سموم الهواجير
كني لهم ابو من الأهل مشفاق = وهم عيالٍ لي صغارٍ مقاصير
مانيب باغيهم الى التفت الساق = ياقونني من حادثات المقادير
لكني ابغيهم الى خاطري ضاق = نخيتهم جوني حفاةٍ مشاهير
باروا بحقي ذا تنكر وذا باق = وذا تبين بالحكايا الخماكير
وانل احمد اللي بالعقوبه لهم عاق = وانزل لهم باسه سريعٍ لهم زير
واطلب من اللي له يصلون الاشراق = واللي تسطر بالقراطيس تسطير
عسى يشوفوني على حسن الأفاق = بيوم اذكرهم بما صار تذكير
وانظر مجالسهم معا ذيك الأسواق = يجي بوجه طالب العفو يامير
احد اصافي له على الصبح واعتاق = واحد اصافي له بحد البواتير
قولي لخير الله ترى المكر به حاق = واخوانه اللي انكروا شر تنكير
جيتكم عبيد الله تقفا على ساق = اختصهم والله عليه التدابير
وزويد عزه على الاثر لحاق = بعوص النضا ومعسكرات المسامير
حنا حمينا نجد عن كل فساق = من حمر مصر والنفوس المناكير
واليوم نجازيهم على حسن خلاق = فينا وفيهم له مقال وتدبير
اول نراسلهم بتسجيلٍ واوراق = واليوم باطراف الرماح السماهير
اقول ذا قولي وبالرب وثاق = امدح رجالٍ من تميم مناعير
حاموا على المله وقاموا على ساق =دون المحارم والغروس المباكير
وخلاف ذا يا راكب فوق سباق =هميلع مرباه دار المناصير
بشّر هل العارض ترى حظهم باق =وحميرهم حالت عليها المقادير
ما بين حصان وما بين تفاق =راحت فوات بين ذيك الدعاثير
ناروا مع الصفره نشيفين الارياق =ولا لقوا عن نقمة الله مصادير
صم الرزايا ساق مزنٍ على ساق =متحدرٍ سيله وجوله محادير
ياضبعةٍ بالخرج من كل قساق =اكلي ونادي كل عوج المناقير
ضفتي على العارض وعشوك بأشناق =وأهل القرى عشوك روس الطوابير
كله لعينا دعوة الله بلا الحاق =وغرايسٍ خضرٍ وبيضٍ غنادير
صلاة ربي بالعشية والاشراق =على النبي مظهر الحق تظهير

وكذلك قول الشاعر محمد بن لعبون

12- خـذ ماتـراه وخـل عنـك الخماكيـر 00000 مـن شـق جيـب النـاس شقـوا وزاره