راسل ادارة الموقع جديد المشاركات التسجيل الرئيسية
  #1  
قديم 13-09-2010, 02:44 PM
الصورة الرمزية بن عيسى والنعم
بن عيسى والنعم بن عيسى والنعم غير متواجد حالياً
عضو
 
تاريخ التسجيل: Sep 2010
المشاركات: 23
افتراضي الخثره

السلام عليكم ...
اليوم بنسوي خــثره وهي من الأكلات الكويتيه القديمه ما قبل النفط وهي عباره عن مرق سمج وعيش .. عاد الكويتين الأوليين يحبون هالأكله وخصوصاً الشياب والعيايز لأنها تنزرط زراط .

بسم الله بدينا وعلى النبي صلينا
جيلتين عيش مغسول عدل ونقعه بالماي ونخليه على كتر (على جنب)
وبعدين نبدي بالمرق ... انيب زبيديه بس من الحبات الوسط أحلى حق المرق نغسلهم عدل ونفركهم بالملح والكركم وشوي كمون .. ونخليهم على كتر
طبعاً تعرفون طريقة المرقه .. بس ألحين بقولها بشكل سريع
3 بصلات قص نعيم - 4 طماطات قص نعيم - معجون طماط قوطي واحد
لومي أسود مطحون ولوميه وحده عدله بس نقضها - 4فصوص ثوم مدقوق
بهارات سمج وكركم وكمون وزنجبيل طري شويه بس(اضافه من عندي) وكزبره ناشفه مطحونه وقفشتين صباره وطبعاً وملح وماي حق المرقه ...

نحمس البصل والثوم والزنجبيل بشوي ماي لين ينشف ويذوب البصل ، وبعدين الطماط الطري ودهن (السمن أطيب من الزيت وأقصد سمنه نباتي علشان صحتكم وشراينكم ) ... ونحمس لين يذوب الطماط عدل عدل (لاتستعيلون) ، وبعدها نحط البهار ومعجون الطماط (ونحمس )ونحط السمجه أنا ما أحط الراس وهذا على كيفكم (طبعا مغسوله من الكركم والملح) وقطعوها وصلتين إذا تبون أو تخلونها تذوب بالمرق كيفكم .. تقلبووون السمج لين يشرب شوي من الحمسه وتحطون اللوميه المقضوضه وبعدين تحطون العيش المغسول (كل مانقع العيش أكثر صارت الخثره طيبه) وبعدين تصبون الماي عليها يكون مستوى الماي فوق العيش بأربع أصابع ،،تطبخ شوي وتشوفون الماي شوي قصر ،، وبعدين تحطين الصباره المنقوعه بالماي من وقت،،وتملحون المخثره حسب ذوقكم بمكيال الملح ،، وتحطون تحت الجدر حديده وتقصرون عالجوله وتخلون الخـــثره تخدر مو أقل من نصصصص ساعه بس نقلب الجدرعلشان نتأكد ما ايحترق إللي بقاع الجدر.

ملاحظه مهمه جداً: كل ماكانت الحمسه متعوب عليها طلعت الخثره ممتازه ولا تنسون الوقت إللي تخدر فيه الطبخه ،، مايحتاي أقولكم بعد... يلعب دور بالطعم .

وبعدين على كتر أنتي مقطعه البصل جوانح وتقلينه بالدهن لين يصير لونه أدعم - بني (حق الحشو وقت النجاب)

وزهبو الرويد والبقل والجرجير وأجار الطماطه

وبالعافيه إن شاء الله ...
رد مع اقتباس
  #2  
قديم 13-09-2010, 03:00 PM
الصورة الرمزية فحيحيلية أصيلة
فحيحيلية أصيلة فحيحيلية أصيلة غير متواجد حالياً
عضو مشارك
 
تاريخ التسجيل: Aug 2010
الدولة: اهي الدار اللي ربتني.. اهي الكويت
المشاركات: 148
افتراضي

السلام عليكم اخوي بن عيسى والنعم.. اسمح لي احط صورة الخثرة و من صورتها جاية نفس الطريقة الي تفضلت و حطيتها مشكور ...



و بالمناسبة الطريقة الي حطيتها حضرتك تشير الى الطريقة الزبيرية بالطبخ>> و الدليل اضافة الزنجبيل>> طبعا ماشالله لا يعلى على الزبيرية في الطبخ و النفس>> انا اعرف وحدة زبيرية تقريبا بكل طبخ لها اضافات ماشالله تنفرد فيها>> مثل الزنجبيل بالطبخ.. و الزعفران بالعصيدة.. و هكذا .

الف شكر اخوي على الموضوع الشيّق .
رد مع اقتباس
  #3  
قديم 13-09-2010, 03:10 PM
الصورة الرمزية بن عيسى والنعم
بن عيسى والنعم بن عيسى والنعم غير متواجد حالياً
عضو
 
تاريخ التسجيل: Sep 2010
المشاركات: 23
افتراضي

مشكوووره على الصوره ... بارك الله فيكم
.. واضافة الزنجبيل هذي جديده مني وليست من الوصفه القديمه ،،
رد مع اقتباس
  #4  
قديم 13-09-2010, 03:13 PM
إشعيبه صباي إشعيبه صباي غير متواجد حالياً
عضو
 
تاريخ التسجيل: Nov 2009
المشاركات: 68
افتراضي

اساتذتي الكرام السلام عليكم
ماشاء الله عليكم هذه الذ اكله عندي بس ملاحظتي انكم ماذكرتوا ان يتم نزع العظام من السمك قبل اضافة الرز؟
وتقبلوا تحياتي.
رد مع اقتباس
  #5  
قديم 13-09-2010, 03:26 PM
الصورة الرمزية بن عيسى والنعم
بن عيسى والنعم بن عيسى والنعم غير متواجد حالياً
عضو
 
تاريخ التسجيل: Sep 2010
المشاركات: 23
افتراضي

الله يبارك فيكم
الزبيدي مو زود فيه شوك ... وما أذكر الأولين قالوا انهم يشيلون الشوك وقت الطباخ أو النجاب !!
عيل شدقولين للي يسوي خثره بالميد !!!؟؟
لا تستغربين ..تراهي عجيبه للي يحوفها عدل .. لكم تحياتي
رد مع اقتباس
  #6  
قديم 13-09-2010, 04:35 PM
الصورة الرمزية فحيحيلية أصيلة
فحيحيلية أصيلة فحيحيلية أصيلة غير متواجد حالياً
عضو مشارك
 
تاريخ التسجيل: Aug 2010
الدولة: اهي الدار اللي ربتني.. اهي الكويت
المشاركات: 148
افتراضي

اقتباس:
المشاركة الأصلية كتبت بواسطة بن عيسى والنعم
   الله يبارك فيكم
الزبيدي مو زود فيه شوك ... وما أذكر الأولين قالوا انهم يشيلون الشوك وقت الطباخ أو النجاب !!
عيل شدقولين للي يسوي خثره بالميد !!!؟؟
لا تستغربين ..تراهي عجيبه للي يحوفها عدل .. لكم تحياتي

و يبارك فيك اخوي.. انا ما اتوقع هالاكلة بتكون لذيذة مع الميد لسبب>> الميد اعتقد ما يتبهر!!.. و اذا طبخنا اي اكلة فيها سمج لا امبهر ولا طلعت روووووحه بالملح ما اعتقد بتكون اكلة لذيذة.. اغلب الظن بتكون اكلة زفرة >> و انا كل شي اتحمله ما عدا الزفرة .
رد مع اقتباس
  #7  
قديم 13-09-2010, 04:58 PM
الصورة الرمزية بن عيسى والنعم
بن عيسى والنعم بن عيسى والنعم غير متواجد حالياً
عضو
 
تاريخ التسجيل: Sep 2010
المشاركات: 23
افتراضي

الخثره شغلها بالزبيدي أطيب
ولكن الميد ما ينقد عليه تراه طيب
ولولا الأذواق لبارت السلع
__________________
"الكــلام أســيرك فــإن تكلمــت بــه صــرت أســــيره "
علي بن أبي طالب
حشرنا الله معه.
رد مع اقتباس
  #8  
قديم 13-09-2010, 05:21 PM
الصورة الرمزية فحيحيلية أصيلة
فحيحيلية أصيلة فحيحيلية أصيلة غير متواجد حالياً
عضو مشارك
 
تاريخ التسجيل: Aug 2010
الدولة: اهي الدار اللي ربتني.. اهي الكويت
المشاركات: 148
افتراضي

اقتباس:
المشاركة الأصلية كتبت بواسطة بن عيسى والنعم
   الخثره شغلها بالزبيدي أطيب
ولكن الميد ما ينقد عليه تراه طيب
ولولا الأذواق لبارت السلع

اخوي بن عيسى.. من وجهة نظري كل اكلة سمج لها سمج معين يناسبها>>يعني>> اذا كانت الاكلة مطبق>> ف الالذ ننقي زبيدي>> لان في غير المنطقي مطبق ميد مثلا.. و المجبوس افضله يكون بسمج الهامور >>لانه خبرك الهامور اكبر و مريح بالنسبة لموضوع الشوك سهل انتزاعه لكبره و وضوحه .. لكن الميد-حبيبك الي ما ينقد عليه على قولتك- اكيييييد لذيذ اذا كان مشوي>> و انا بصراحة ما شفته الا مشوي ما شفته باطباق ثانية.. و مرقه السمج لذيييييذة جداااا اذا كانت بسمج الهامور بالذات لا جا لونها غااااامج قريب البني من التمر الهندي و في ناس حطون بداله دبس الرمان.

و تقبل مروري و مشاركتي .
رد مع اقتباس
  #9  
قديم 13-09-2010, 06:50 PM
الصورة الرمزية فتى البارق النجدي
فتى البارق النجدي فتى البارق النجدي غير متواجد حالياً
عضو مخالف، تحت الملاحظة، النقاط: 1
 
تاريخ التسجيل: Aug 2010
المشاركات: 48
افتراضي

كلام اشعيبه صباي اهو العدل والصحيح واهو كلام الكويتيين!!!!
يسمونه (عظم السمج) مو (شوك السمج) الشوك بظهرها
رد مع اقتباس
  #10  
قديم 13-09-2010, 06:52 PM
الصورة الرمزية فتى البارق النجدي
فتى البارق النجدي فتى البارق النجدي غير متواجد حالياً
عضو مخالف، تحت الملاحظة، النقاط: 1
 
تاريخ التسجيل: Aug 2010
المشاركات: 48
افتراضي

((خصوصاً الشياب والعيايز لأنها تنزلط زلاط))
يبا لا تنزنط ولا تنزلط !!! هذااا مو كلامناا
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:09 PM.


Powered by vBulletin® Version 3.8.7, Copyright ©2000 - 2024
جميع الحقوق محفوظة لموقع تاريخ الكويت