راسل ادارة الموقع جديد المشاركات التسجيل الرئيسية
  #1  
قديم 26-01-2010, 06:15 AM
جبلي جبلي غير متواجد حالياً
عضو
 
تاريخ التسجيل: Jan 2010
المشاركات: 2
افتراضي الشاعر / عبدالرحمن القعيمي




زار الشاعر عبدالرحمن القعيمي صديقه حمد المغلوث في الكويت فوجده متكدر الخاطر ، فسأله عن الذي عكر صفوه فقال له : الحب ، فكان يتمنى ان يذهب للأحساء كي يطمئن على من شغلوا باله وتفكيره ، فواساه عبدالرحمن واوصاه بالصبر فما كان لحمد إلا ان يرد عليه بقصيدة



يـارب صبرنـي علـى امــرك وبـلـواك واجبر عزا مـن شـاف ضيـم العزايـر
مثل الدريك اللي على حوض الادراك يبكـي ودمـعـه فــوق الاوجــان جـايـر
ياعـيـن هـلــي ذارف الـدمــع سـفــاك وابكـي وهاتـي مـا خـفـا مــن عبـايـر
يــاعــيـــن لاتـبــكــيــن هـــــــذاولاذاك الا ولا فــرقـــا الاهـــــل والـعـشـايــر
ابكي على سمح النبا حسن الاسـلاك الـلـي علـيـه مـغــوزر الـدمــع فـايــر
قلبـي علـيـه مــن الـولـع فـيـه دكــاك والـحــال مـنــي خـلـصـت بالـحـسـايـر
كنـي ربيـط الـروم فــي وســط شـيـاك والا كـســيــر مـوجـعــتــه الـجـبــايــر
قـدم العـرب غـادي بشـوش وضـحـاك والـكـبـد يـصـلاهـا لـهـيــب الـسـعـايـر
يالله يــاوالــي تـصــاريــف الافـــــلاك يــا مـطـفـي نـــار السـنـيـن العـسـايـر
يـامــن لـعـسـرات الشـرابـيـك فـكــاك رب السـمـاء والــي جمـيـع البصـايـر
سـبـة عــزاي وصــار لـلـروح مــلاك وارخصـت لــه عـمـري ومابالذخـايـر
يازيـن روحـي يااريـش العيـن تـفـداك حيثك هواي وعـن هـوى الغيـر ذايـر
عـلــي نــــذر ان ولــــف الله لامــــاك لاارز رايـــــات الــفـــرح والـبـشـايــر
واصــــــوم لله مـاتـيــســر لـعــيــنــاك وابــنــي لـحـبــك بالـضـمـايـر مـنـايــر
يازيـن يـاعـذب اللـمـا كـيـف ابنـسـاك والحـب سلطانـه عـلـى الـحـال جـايـر
يـامــورد الـخـديـن مــحــلا سـجـايــاك يـاسـيـد لــكــل الـمـتـرفـات الـنـضـايـر
يازيـن شفنـي مـن غـرامـك وفـرقـاك كـنـي عـلـى جــال مــن الـجــم هـايــر
ياابومـحـمـد يـافـتـى الـجــود بـنـخــاك يافـرحـت المـضـيـوم يـــوم الكـسـايـر
شــف لــي طبـيـب شـاطـر لاعدمـنـاك كــــوده يــــداوي عــلـــة بـالـضـمـايـر
والا فـنــا يـامـعــدن الــجــود وايــــاك نـركـب عـلـى ثنتـيـن عــوص حـرايـر
يوميـن والثالـث علـى الهـون ملـفـاك هجـر مـنـازل مــن لــه القـلـب طـايـر
فــالــى لـفـيـنـا ديــــرة الــربــع ذولاك فالـوصـل يطـفـي مالـجـا مــن زفـايــر
امـسـي وكـنـي مـالـك كـــل الامـــلاك امــلاك سـلـطـان الـهـجـر والـجـزايـر
فــالــى لـفـيـنــا دافـــــع الله مـنــايــاك مرخوص يامروي السيـوف الشطايـر
عـنـد السيـاسـب لابــة مـثـل شــرواك الــكــل مـنــهــم يـحـتـمــل لـلـخـسـايـر
يـاابــو مـحـمـد عـانــك الله وعــافــاك واذراك ربــي مــن حـتــوف الـدوايــر


فرد عليها الشاعر عبدالرحمن القعيمي قائلاً



اهلا عدد ماناح ورق على الراك او عد ماغنى بروس الزباير

اوعد مابالكون تفتر الافلاك اوعد ما الرحمن فرج لحاير

اوماتهلهل ماطر الشط واسماك في ليلة تخفي النجوم الستاير

بكتاب من للروح والي وملاك حيثه على الساقه كما السيف صاير

قلب نظيف وصافي مابه شكاك الله يفكه من صروف الدواير

يابو سعد جعل المنايا تعداك وتعيش ما يوم تشوف الكداير

خطك لفاني وادهش القلب معناك ومن العنى كبرت علي الصغاير

يومك تقول ان اريش العين خلاك واقفيت منه وشفت ضيم العزاير

تذكر عشيرك صدع الروح وادهاك كنك على جال من الجم هاير

والا تريد مداوي يفتهم داك كوده يداوي علة بالضماير

ادواك سهل ان وفق الله وشافاك من حيث دونك ماذخرت الذخاير

طب الطبيب ولويداويك مابراك ايضا وخل الهجن لوهي حراير

اركب على ريلن مثامينه الكاك واللي مسوينه فرنجن شطاير

عجلن مسيره كنه السيل دكاك اليا انتحى مع الخشوم الوعاير

وانشيت له سكة حديدن ايلا هناك يمشي عليها كنها الطير طاير

نركب عليه ايلا تعتمت وياك من دار ابو جابر عزيز العشاير

والصبح وانت بدار خلن تمناك الجادل اللي عذبك بالحساير

فليا لويت اطراف ثوبه بيمناك فوق السري اللي عليه الخداير

هذاك هو غاية مناويك وامناك حيثك غريمن فالبني النضاير

قلبك الغضات الرعابيب ينخاك ورجليك لمورد الخدين ساير

فليا لفيت وزان كيفك وملفاك واستر بالك عقب هاك العباير

اقعد وانا يابوسعد باتحراك لو كان تاخذ عندها حول داير

واليا قصر شين من المال عناك ابشر ولو تكثر علي الخساير

ايلين ترخص لي عقب نيلك مناك اركب وارد الريل عجل مخاير

وانت استريح بدار خلك ومرباك يو احتظيت بسيد سود الخداير

ترف الشباب اللي تسبب بشكواك وادعاك كنك فوق حامي السعاير

يابو سعد كان اريش العين مشقاك والي لفيت بديرته جاك زاير

مدام يمشيلك على حسن الاسلاك عز الله انه لك نظيف السراير

اثرك حظيظن ياعشيري بدنياك من صاحبك ماشفت يوم النكاير

بالعون خلك ماتبدل بلاماك منت بسواتي دمع عيني نثاير

انت اهتنيت بصاحبك عقب مااشقاك والافنا شوقي من العام ذاير

خلك ايلا شاف اختلاف الوعد جاك مهو بعرضك الدروب العساير

ماهو بمثل صويحبي ياحمد ذاك اللي علي بحكم الانكار جاير

دع ذا وجور الحب لايخلف ارياك وانا بشيرك بالسعد والسفاير

لانيب فلاح ولا صاحب املاك ولانيب في هجر مدور تجاير

مير انت عندي غالين واتبع ارضاك واللي يصد الي نخى هذاك باير

واسلم لعلك تكسب العز واعداك يمحاهم المعبود والي البصاير

وصلو على اللي خصه الله بالابراك عد الجراد وعد رمل الجزاير


افيدوني عن الشاعر عبدالرحمن القعيمي بقصائد اخرى او اي معلومات عنه من حيث سيرته حياته ، حيث اني كنت ابحث له عن المزيد من القصائد فلم اجد إلا هذه القصيده فمن يعلم عنه شي فليفيدنا ، حيث انني علمت ان


الشاعر / عبدالرحمن القعيمي شاعر
من شعرااء الاحسااء الشعبين

له مساجلآت مع الشاعر حمد المغلوث وشعراء اخرون

فلا تبخلوا علينا بأي معلومات او قصائد عن الشاعر وجزاكم الله خير
رد مع اقتباس
  #2  
قديم 08-02-2010, 04:01 PM
جبلي جبلي غير متواجد حالياً
عضو
 
تاريخ التسجيل: Jan 2010
المشاركات: 2
افتراضي

إلى الآن اسبوعين ولم يأتي رد شافي أين الباحثين ؟ يا أخواني واخواتي هل من علم افيدونا الله يعطيكم العافية
ولكم جزيل الشكر
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
منيرة عبدالرحمن العتيقي عنك الشخصيات الكويتية 3 17-10-2013 08:04 PM
طلب مساعدة: اشعار الشاعر عبدالرحمن القعيمي ناصر القعيمي الصندوق 2 26-01-2010 11:00 PM
عبدالرحمن القطيفي - الأنباء AHMAD مقابلات اذاعية وتلفزيونية وصحفية 0 09-12-2009 12:13 AM
محمد عبدالرحمن البحر عنك الشخصيات الكويتية 4 27-05-2009 10:40 PM


الساعة الآن 06:16 PM.


Powered by vBulletin® Version 3.8.7, Copyright ©2000 - 2018
جميع الحقوق محفوظة لموقع تاريخ الكويت