ياكويت شللي جرى لايحزنج ماصار...
يا دار حكم (ن) وشعب يرضع الحريه...
يا دار كلنا سفن نرسي على يالج...
يا دار مناخ الجمل يوم الزمن عيه...
يا دار روضتي عدو الله لا يرده...
يا دار حكم (ن) صمد عمره ثلاثميه...
لا شك انتي الذرى دام العمر باقي...
ولا صرنا تحت الثرى نفخر ترى بفيه...
مشاركتي هي اهداء هالكلمات للي يعشق هالبلد بحكامه وناسه وبحره وبره وهواه... وللي يرضع عياله حب هالبلد وكره عدوانها...
وكلنا يعلم ان الكويت موجوده من قبل حكم آل الصباح الا ان سر استمرارها على الخارطه السياسيه يعود للحكم العاقل والرزين الحليم لهذه الاسره الطيبه والله لايغير محبتنا لهم ولا محبتهم لنا وياجعل مايالانا غيرهم...
__________________
يحسدوني زايد بقلبي غلاج...
ليته بس آنا هم جدي انحسد...
يا تراب بدم جدودي انحمى...
وعد لاورثه لي آخر ولد...
يعني شنهو بابل وسومر يعد..؟
مملكة أصنام كانت تنعبد...
عندهم لا قال آشوري شهق...
ياجعل ربي ينقصكم عدد...
ينسبج ياكويت لجدود الكفر..!
وآنا جدي صام فوق أرضج سجد...
من غلاتي لج يزيدوني وأزيد...
وبحسدهم مايهموني
ابد...
مافي غير الله يجيرج نعبده...
آآآآآخ ياديرة جدودن ماخافت أحد...
حفيد النوخذه مبارك بن شريده المجدلي
|
العرض العادي
