|
[ame]http://www.youtube.com/watch?v=rswaE2hELo4[/ame]
|
تظربـنـي أمــي باليـديـن الكريـمـه عشان أصلي الفجْـر وأحيـا بـلا ضجْـر لـو كــان ضربتـهـا قـويّـه وأليـمـه لكن تدوّر مـن ورا الظربـه ..... الأجـر جعـل إيدهـا يــوم القيـامـه سليـمـه وتشهد على ظربي عشان ألحق الفجْر ...!!! |
يانفس آعينيني على طاعة الله , يومك قرب يانفس وأنتي ماتدرين , دنياك : ماهي دايمة لك , لا والله , سنينها أقرب مالها : لمحة العين , أجاهدك يوم اني ابغى رضى الله , ياغارقه في اللهو , متى تقومين ! محسوبه أيامك .. ( وما قدر الله : واصل ) .. ما تنقصين ولا تزيدين , |
إذا ما تبَعثَرَ مـا فـي القبـورْ وحُصِّل للهِ مـا فـي الصـدورْ . وصرتُم ترونَ الجبـالَ تسيـر وفوق الجبـالِ سمـاءٌ تَمـورْ . وقامَ الضجيجُ مقـامَ السكـونِ وحلّ البكـاءُ محـلّ السـرورْ . وقمتُـم لنـشْـرِ صَحَائِفِـكـم عرايا..فذلـك يـوم النـشـورْ . فحينـئـذٍ يعـلـمُ الغافـلـون بـأنَّ الحيـاةَ متـاعُ الغـرورْ . فبؤسـاً لمـن خـفَّ ميزانُـهُ وما اسْطاعَ فوق الصراطِ العبورْ . إذا مـا أتـى ليُـرى سَعْـيَـهُ رأى النارَ تَشْهَقُ وهْـي تَفـورْ |
(( إن الفارغ البليد يجد لذة في تحطيم أعمال الناس ويحس بمتعة في تمريغ كرامة الرّواد، لأنه عجز عن مجاراتهم ففرح بتهميش إبداعهم، ولهذا تجد العامل المثابر النشيط منغمساً في إتقان عمله وتجويد إنتاجه ليس عنده وقت لتشريح جثث الآخرين ولا بعثرة قبورهم، فهو منهمك في بناء مجده ونسج ثياب فضله )) للشيخ عائض القرني |
http://hbw.watershed.co.uk/iatmj/sundry/niqab.jpg . . . للجوهره بالشـرع والسنـه حجـاب نحفـظ جواهرنـا بستـر وغطـاوي نحفظ بها طهر البني وعرض الانساب واتزين في درب الحيـاه الخطـاوي ونردع بها نفسن من الحـق ترتـاب ونكسب بها نفسن تحـب الدعـاوي من لا عمل بالوقت والدنيـا أحسـاب ضيع حياتـه بيـن كثـر المسـاوي |
بلادي وإن جارت علي عزيزة **** وأهلي وإن جارو علي كرام |
البارحة في مرقدي ماتهنيت من لاهبٍ بالقلب نشف لهاتي ليمن تنهوا في حلا النوم نمنيت في ضيجةٍ والمبتلي مايباتي أنا الفقير المبتلي لو تمنيت دِبْ الليالي ماتجي مشتهاتي الحظ شين ومن ردا الحظ وافيت طرشة بلح من بد كل إطرشاتي من البلح يالايم القلب مليت عشرين يوم في خبيث المشاتي قالوا علامك "يافهد " ماتعيشت قلت القهر راعية عاف الحياتي جفيت أهتي بالقوت والقوت حويت وكوز يصيح بصوت ذيب الفلاتي من البلح بينت ماجان كنيت الجمه صاير عندنا كالمهاتي منين ماتنصي جنوبٍ عن البيت قام الدهر يرفع علينا الجناتي زود على ضرب الخواليف والشيت سبرة وعنها ماتفيد الجواتي والبرد لي مسك من الزود نزيت لى مسني أزريت اكمل صلاتي يانوخذا ياليتنيْ ماتعنيت ماينيغي دربٍ وراة المماتي لين إطرحوا ويا أهل الخشب صفيت صفة صفوفٍ ينطرون الزكاتي لي صار وقت الصبح مثل العفاريت الكل يركض فازع بالعصاتي ليمن تجنوا حل بالشمل تشتيت كلٍ على فاله يدور الغناتي لين انقلوا محارهم لاشي ونيت أبجي خفاوة القلب دايم يحاتي خلو "فهد " يبجي على واحدٍ ميت لى عاد رأس مالي حطٍ وماتي لوني غني وتاجر ما تجنيت لكن ضعيف ٍ رأس ماله عباتي يا "حمد " ما لوماك ولو كان شتيت وسط البحر ماينقعد ياشفاتي ناس براحة ما شكوا ما تشكيت كلفٍ عليهم شيل وزن الرتاتي وناسٍ بشدة قصدهم فلس سحتيت هذا ووين الفلس هيهات ياتي والله لو قوتي من الصبح حلتيت أشوي علينا من شمات الوشاتي وقتٍ كسيفٍ ومن هله لو تنقيت جليل ما تلقي من هل الموجباتي وقت عسم فيه الرخم صاير سيت والإ الحرار سنينهم مجدباتي لأهل الرزالة والطمع صاير صايت في راحة ٍ وسنينهم مجبلاتي كالشب لي منك عليها تحليت الطعم شين ووصفته كالنباتي يا "سعيد" حظك ياغنى تغاتيت عن درب بحرٍ ما برجبه حلاتي أقولها يومٍ من الضيم حاسيت حمل ثقيل وكل ربعي سواتي شيل الحمل بالعز لوني توازيت مثل العسل والحر يفهم وصاتي ما إنلام لوني بالمثايل تلهيت عن لا هبٍ بالقلب نشف لهاتي |
وجدي وجود ام الولد زوجة العود اللي بيوم الكون داسو ولدها وجضت لشوفه بين شاهد ومشهود وعضت عليه ابهامها من نكدها وقامت تضمه والحشا منه مسرود والدم من جسمه يغطي جسدها وراحت تجر العود من قلة الفود تشكي تقول انه توفى سندها والعود مات منه حسره ومضهود وخلا عجوزه في سكنها وحدها |
يامل قلـب ٍتجيـه الهجـوس ودكـه""دك المطايا ليا مـن صيـح بتلاهـا هجوس ٍعددها يفوق اللي وصل مكـه""والذيب يقنب وهجوس القوم خاواهـا لايازمان الورق واللعـب والدكـه ""والهقوه اللي تخيـب مـن تهقواهـا يقطع لسان ٍلقول الحـق بـه لكـه""ويقطعك يمنا تقصر فـي عطاياهـا مايلحق الرجل من بعض الحكي شكه""جربت بعض الرجال وجات بقصاها اول مبادي الجرب في الناقه الحكـه""وتلا علـوم البـدو محـد ٍبيقناهـا هذا صحيح الخبر وان طعتني زكه ""سود النوايـا عرفنـا وش نواياهـا |
| الساعة الآن 01:41 PM. |
Powered by vBulletin® Version 3.8.7, Copyright ©2000 - 2024
جميع الحقوق محفوظة لموقع تاريخ الكويت