سوالف ايام الزمن الجميل
 

السلام عليكم ورحمة الله

خل كل واحد يقول لنا سالفه صارت ايام الزمن الجميل انا بالنسبه لي ايام الثمانينات والبعض

السبعينات والبعض الستينات المهم سوالف نستفيد منها ونعرف الماضي شاللي صار واندثر

واذا في تساءلات نسال بعض

ايش سالفة البقر بالسكيك؟

وأنا صغيره أخاف أطلع بالسكه خاصه بالليل في بقر منتشره ماأشوف لها راعي بس تدور

وفي أحد الأخوه حاط صور الفحيحيل ايام الستينات في هالمنظر المشكله حتي عندنا بالفنطاس

كنت اشوفهم كان بالثمانينات بعدها فجأه انقطعوا نهائي أنا أقول والله من زود الأمان إن الواحدhttp://www.kuwait-history.net/vb/up/...6920090527.jpg(اقتباس)صوره من العضو فحيحيل

يخلي حلاله يسرح .

سالفة حمارة القايله؟
وكنت أسمع الوالده الله يحفظها من كل شر تقول لنا لاتطلعون الظهر تجيكم احمارة القايله

عاد أنا وتخيلاتي اتخيلها زول مره امتغطيه بالعبايه وجهه صورة حمار أنواع الرعب :D

شنو سالفة حمارة القايله كبرت والي يومكم ماادري سالفتها؟

وعندي بعض السواليف لكن ودي اترك المجال لغيري يقولنا سالفه:)

يازين الفنطاس واهلها
تسلمين اختي على الموضوع
بس هم من الخرفات قبل
الطنطل

مشكورة وايـــــــــــــــــــــــــــــــد

وايد وايد ........... اختي حنين الماضــــي :)

انا عجبتني كلمة رعب :)


ابصراحه كلنا تخيلنا صور الرعب .... قولي ليش

لانه اهلنا لما كانوا يقولون لنا هالقصص من حمهم و زورهم يعني

يعفسون و جههم و يطلعون صوت يخرع كل هذا علشان ..... يخدم القصه مالتهم

ويخلونه غصب انخاف ............... وصج كنا انتفاعل معاهم ونخاف صج :o:o

بس والله يــــــــــــــا حلوها من ايام ... وخاصه ايام الربيع والبر والبحر

اتجمع ونسمه وانتغطي بالحاف من شده الخوف :)

الخوف من القصه كنا انشوفه بعيونهم و اصواتهم لما يقولون القصه لنا


مشكووووووووووووورة

مشكووووووووووورة
:)

السلام عليكم

هلا بك 1966

وهلا بنت النوخذه

بس ماعطتونا سوالف مع اني متاكده في جعبتك حكايه;)

موضوع شيق ويردنا فعلا للماضي الجميل
وتخرع الاهل لنا قبل
عشان مانطلع الظهاري الحوش
يريت بس الايام ترجع
ونعيش اجمل طفوله
يالله كبرنا وقمنا نتذكر زمن اول
ومشكوره اختي على موضوعج
فعلا يتستحق الشكر والثناء
واللي ماله اول ماله تالي

السلام عليكم

هلا بنت النوخذه
الف مبروك علي وصولك 100 ان دل يدل علي وجود بصمتك بكل المواضيع عساك علي القوه

اذكر من زمان

كان كل عصر يمر هندي معاه الشمته مثل الجنطه علي شكل جيس

ويدور علي السكه مشي انا اذا شفته لازم اوقفه يبيع سمبوسه 2خمسين فلس وكبه بس فيها فلفل

مااشتريها ياحليل الهندي كان ضعيف حيل وشايب طويل عسي الله يرحمه كانه ميت ويصلحه كان حي

بس حلوه هالخدمه يدور بالسمبوسه*-*

موضوع حلو
ونشكرج عليه

[quote=حنين الماضي;17430]السلام عليكم

هلا بنت النوخذه
الف مبروك علي وصولك 100 ان دل يدل علي وجود بصمتك بكل المواضيع عساك علي القوه

اذكر من زمان

كان كل عصر يمر هندي معاه الشمته مثل الجنطه علي شكل جيس

ويدور علي السكه مشي انا اذا شفته لازم اوقفه يبيع سمبوسه 2خمسين فلس وكبه بس فيها فلفل

مااشتريها ياحليل الهندي كان ضعيف حيل وشايب طويل عسي الله يرحمه كانه ميت ويصلحه كان حي

بس حلوه هالخدمه يدور بالسمبوسه*-*[/quote]

http://http://www.kuwait-history.net...attach/jpg.gifالسلام عليكم

شاكره مرورك كويتيه

بنت النوخذه الله يقطع سواليفك اول ماقلتي لابس نظاره قلت اكيد اعرفته --------------:cool:

وطلع هندي درب الزلق:D

سمعوا هالسالفه
تذكرون برمضان وايام رمضان اعاده الله علينا وعلي الامه الاسلاميه والجميع بخير وعافيهhttp://www.kuwait-history.net/vb/up/...8420090609.jpg

كان في واحد اسمه ابو طبيله امي تقول يدور بالسكيك علشان يقوم الناس يتسحرون

انا قلت ودي اشوفه بس اشلون وكل ماجت حزته نمت ولاشفته ويوم قررت الا اشوفه

وقعدت اقام النوم والنعاس بالاخير سمعت صوته (يانايم وحد الدايم)وصوت طبل فكيت الباب وشفت

اليهال اطلعوا من كل مكان يلحقونه ماقدرت الحقه كنت صغيره وابروحي اطلع بس يكفي الصوت

رن باذني كاجمل ذكره لرمضان :rolleyes:





0

ياحلو ايام اول ومشكورين علي الموضوع الحلو ذكرتونا باللعب بالحوش وحزاوي يداتنا لنا مثل حزايه سرور وبنت السلطان وامي سميميجه والطنطل وخروف المسلسل وام احمار وحزاوي وايد الله يرحم يداتنا ويدخلهم الجنه والله في اشياء وايد علمونا اياها ياريت نعلمها عيالنا ونحافظ عليها وحبيت اذكر شغله النوم بالسطوح ياحلاته والله كان يوم عيد اللي بنام في بالسطح ومشكورين مره ثانيه

السلام عليكم


هلا بك اختي خوخه

سالفة المهري راعي البياع

اذكر حزة الظهر راده من المدرسه اسمع صوت بالشارع ابياااااااع ابيااااااااااااع

ولا انطق الباب فتحته شفت واحد يسمونه المهري راعي بقشه كبيره يحطها علي ظهره ويدور فيها

بين السكيك اول ماشافني حط البقشه علي الارض وفتحها فيها اقمشه وملابس قالي روحي نادي امك ناديت امي

مع انها ماتحب تشتري منهم الا انها شرت لي دراعه حلوه رسومات علي تفاح تسميحة خاطر

لي من الوناسه صورت فيها اطفال كل شيhttp://www.kuwait-history.net/vb/up/...6320090609.jpg

يفرحنا:p

السلام عليكم

شكرا لك

أحلى ذكرياتي أيام الطفولة بأواخر السبعينات والثمانينات.. الافلام الهندية كل خميس نتابعها والشاي العصر مع الأهل ( شاي وبسكوت )..

كانت حقبة ما قبل الغزو من أحلى السنين الي عشتها, واعقتد اكثركم يوافقني بهالراي.

السلام عليكم

فعلا اخي المفتاح المجتمع بوجه عام في بداية الثمانينات الكل يثني علي ذيك الايام

تلفزيون الكويت وبرامجه الحلوه والمميزه بذيك الايام التعامل بين الناس وبين الجيران

والتواصل والزيارات اليهال كلهم بالسكيك يلعبون مع بعض لوجود الامان

المدارس والرحلات اللي تسويها لطلاب كان كل شي حلو

فعلا ايام الزمن الجميل

السلام عليكم
عن التلفزيون سابقا كانت الدراما له معنى للطفل والكبير وقصص لها تئثير مثل البريق المكسور
والى ابي وامي مع التحيه
وغيرها من اعمال للطفل اما الان ما يوجد اعمال لها قيمه نفس قبل
وحتى المسلسلات التي تعرض انذاك
كانت مسلسلات لها احترام وكانت كوميديه واجتماعيه مثل خالتي قماشه ودرس خصوصي والعتاويه كان شيئ له معنى وبصمه واضحه - غير الحين اسفاف وانحطاط
اما عن ابوطبيله فعلا كان زمن جميل وايام لاتنسى اختفى بوطبيله في اواخر الثمانينات وبعض المناطق اختفى بعد الغزو
اللهم احفظ كويتنا من كل مكروه
وتسلمين اختي حنين الماضي على هذا الموضوع وان دل فايدل على اصالتج
وحفظك الله وبارك الله فيج

السلام عليكم

شكرا جون الكويت

الله يبارك فيك ويعافيك أخ طلال

أيام العيد

كان حماس واشتياق متي يجي العيد كنا مع جيرانا مثل الاهل بالضبط بغض النظر عن الاصل واللون

وهالامور اللي دارجه الحين المهم أول مايأذن الفجر كلنا نقوم إجباري الكل يتسبح ويتنظف وعاد يجي

الريوق شاي وحليب وقيمر ومربي وجبن كيري وخبز خباز وبعدها نروح نلبس لبس العيد

اللي كل اشوي اطل عليه بالكبت انطر العيد البسه ومااصدق يصير يوم العيد وامي الله يحفضها

كانت تحط لي تسريحه خفيفه ولاتفك شعري الابالمناسبات تخاف علي من:eek:

اللي يخليه لي وكان عندنا عطر الي الان ينباع بفوسور اتعطر في يوم العيد والحين اذا شمينه تذكرت

ايام العيد وانا طفله كنا كلنا نطلع نسلم علي الجيران جار جار يمكن نقعد ندور 7او8اواكثر واحنا

ندور نسلم عليهم اجباري ولايزعلون ونمر البقاله او الدكان عاد تعالو شوفوا شمسوي حاط

بره طاولات وحاط عليها انواع الهديا والالعاب وظروف مسابقات انت وحظك ونشتري اللي بخاطرنا

ونرد البيت اريولنا تعبت من المشي واول ماادخل اشم ريحت البخور والسفره عليها درابيل وقرص

عقيل وعلبة ماكنتوش اكبر حجم ناكل وانتسدح عند التلفزيون نشوف برامج العيد واذا صار العصر
http://kuwait-history.net/vb/up/uplo...5820090610.jpg
جو الاهل والاقارب والزيارات يااااااااااااااااسلام كان كل شي حلو بالعيد:rolleyes:

السلام عليكم

الالعاب القديمه بالكويت

المقصي لعبه حلوه مره ره الاصبيان كانو يلعبونها بالسكه مع بعض

عباره عن خشبه طولها شبرين واخشبه صغيره تنحذف عليها فيحاول صاحب العصا يضربها

ويبعدها مسافه طويله وعلي مايلقطها الثاني يكون ركض دوره كاملهhttp://www.kuwait-history.net/vb/up/...5920090611.jpg

الله يحييك حنين الماضي الله يعافيكم علي الموضوع صراحه ذكرونا بايام اول الله يعافيكم كل شي قديم حلو

السلام عليكم


اللعب بالحارهhttp://www.kuwait-history.net/vb/up/...1620090613.jpg

اول ما نرجع من المدرسه نتسدح شوي ونادر ماننام مانصدق يصير العصر كلنا بالسكه البنات مع

البنات والصبيان مع بعض وكان احلي واجمل شي الحريم يفرشون بالسكه عند اكبر وحده وهي

اللي دايم تجمعهم ويتقهون عندها وسوالف وحنا نشوفهم ويشفونا من بعيد واذا اذن المغرب

تفرقوا الحريم كل وحده تروح بيتها وانا ماودي --اقول للبنات روحوا اشوي وتعالوا عندي

عند اعتبت الباب نسولف اشوي وفعلا يجون عندي لكن مانقدر انطول ورانه مدرسه ودايخين

من اللعب---------- مضت الايام ومعاها كبرنا:rolleyes:

حتى بياعين البرد مو نفس قبل.. قبل كانوا يفترون عالبيوت العصاري وينادون.. برد.. برد.
ونطلع كلنا نشتري برد ونطيحله.

السلام عليكم

ياهلا بالجميع ماعليه انقطعت عنكم لكن ماانقطع عن احلي موقع حبيته

الحين اجازه وسفر ومتي ماحصلي طليت عليكم

راعي البرد مازال حي يرزق وله مكانه عجيبه بقلوبنا

اللي ابسال البنك راعي البنك من وين يجيبه.

السلام عليكم

عسي الجميع بخير

اسال الله ان يبارك لكم فاقدين اعضاء مااشوفهم 0000000000عسي المانع خير

اهلنا زمان كانو يقلولنا كلمات غريبه من ضمن الكلمات الي كانو يقلونها
لو بتروح قندهار جايبك جايبك الان عرفنا قدهار وهي في افغانستان
وكانو يقولون
بقلعت وادرين
ولان عرفناها وهي اعلى قلعه في الصين
لكن من وين جابو ها الاسامي قبل اربعين سنه ؟

السلام عليكم

ياحلاتكم وحلاه سوالفكم

ذكرتوني النوم بالسطح لما امي الله يرحمها تفرش الفرش مبجر علشان الفرش يبردون قبل النوم

من نحاسه اليهال نروح قبل امي وابوي الله يرحمهما ويرحم جميع امواتكم ننام بفراشهم علشان لما يشلونا ويحطونا بفراشنا يكون بارد

ولا تنسون النوم ايام الروضه كانت الابله يلا ناموا ناموا وانا ولي يمي نسولف وتهاوش الابله
نسكت فتره ونرد نسولف ولما تنتهي فتره النوم تقول الابله يلا منو الشاطر الي يقوم اول اليهال طبعا انا ولي يمي نقوم اول الناس وجذي جكتنا باننا مانمنا

ويحلاة يمعت عيال الفريج ونا نلعب مع بعضولا يهم اصبي ولا بنيه

تذكرون خبز الزعتر لما بدو يبيعونه في مقصف المدرسه اعتقد اوائل السبعيينيات

كانت الخبزه ب 50 فلس والبيبسسي 20 فلس والباجي نشتري كت كات

...السلام عليكم أجمعين ... يطولي أعماركم قبـل بس نرجع من المدرسة مدرسة عثمان بن عفان منطقة الفحيحيل إلى على البحر حاليآ مدرسة فلبينيه يكفينا الشر :rolleyes: بس نوصل للبيت لقمتين على الطاير ونطلع حفااي حــر بــرد ما يمشي عندنا قبـل :D إنسنهـا كـرة قـدم للمغرب بعدين نشلــع للسينمات الصيفيه والشتويه إلي هـدموها هـدم اللـه روسهـم عـاد الدشداشه قصيره وغولـه على البركـه يعني ماشين رزه ننطـر وننطـر منو حنا ننطـر الفاصل ودعايه بنص الفلــم إلي يبي يروح وما يبي يرجع ناخــذ كـرتــه http://www.kuwait-history.net/vb/ima...ons/icon14.gif ونـدش على بـو كنا بالدكان ونكمل الفلــم وكل الأفلام هنديه :eek: كانت السينما مكشوفه ما فيها مكيفات وهالهنود مـدخـنين من الحـر وحنـا خلقـه ;) ما قلت لكـم سوالف قرية البـدويـه ,,,, السوالف كثيره ,,,, الله يعطيكم الصحه والعافيه وتقولون قصصكم حق أحفاد أحفادكم اللهم آمين ,,,,

( ســوق الفحيحيــل )
http://www.kuwait-history.net/vb/up/...4920091020.jpg

مشكورين على الموضوع انا حقيقة اول مرة انتبه عليه
انا ما عندي ذكريات قديمة بس قريت ذكر عن الهندي (اللي مثل درب الزلق دور البياع)
اذكركم قصته وشلون يابه بو عدنان يمثل معاهم
عندي صديق بو عدنان رفيج يده وانا انقل السالفة مثل ما قالي
بيت يد صاحبي (صديق عبدالحسين عبدالرضا) في الرميثية قطعه 13 اللي مقابل مستشفى هادي وكان بو عدنان يمر رفيجه على طول يروحون وايون مع بعض وهذا الهندي اساسا خياط يشتغل يم بيت رفيج عبدالحسين وشافه عبدالحسين ودش كلمه واقنعه يمثل معاهم ولا هو بالاساس خياط في الرميثية

السلام عليكم

الله يعطيكم العافيه وين الباقي تكفون كملوا لنا السوالف عن ذاك الزمن.

السلام عليكم

ومازالت تلك الايام نستمتع بذكرها

اذكر كانت المدارس ذيك الايام الفطور الزامي الفرصه الاولي ابتدائي والثانيه متوسط

ياااااااااااسلام

السلام عليكم

منو فيكم يذكر لنا ايام القرقعان كانو شحطون فيهhttp://www.qatargallery.com/arabic/d...69/tradw_2.jpg

السلام عليكم انا اول مره بشارك معاكم واتمنى ان تتقبلونى برحابت صدر واكون لكم من الشاكرين احساسى اليوم اجمل احساس بحياتى لانى لقيت في هذه الصفحات احلا ايام عمرى بذكرياتهااللى تطابق ذكرياتكم بالحرف الواحد والمكان الواحد والزمان الواحد والارض الوحده وسما ك يكويت يكويت يكويت مادرى اعذرك لو تعذرينى رحلت عنك غصبا عن الاراده رحلت ومعى كثير الكثير من ذكرياتك واليوم لقيتك يااغلى بلد فى اعز منتدى ورح اشارككم بذكريات الزمن الجميل واعذرونى اذا طولت عليكم ولكم كل تحيات

اغلب الالعاب المذكورة موجودة عندنا في نجد وبنفس الاسماء تقريبا

http://store1.up-00.com/Jul10/ZhT11249.jpg

نسميها عندنا الدنانة

مسيكمبالخير ايام قبل من منكم يذ كر السيارة رينو لونها ابيض موقفه فوق سطح العمارة مقابله سينما الحمرا بالزاويه على اليمين

حياكم حق الليلى يسال عن مكونات القرقيعان قبل ملبس تين مجفف نخى كشمش تكى عناب نقل سيبال توفى الصيداوى حب ابيض واكو حلاوة تشبه الملبس بس مشكلة على صورة بنت لابسه عباء بس بدون تغليف وعلى شكل مزهريه كنا نحبها لخفتها وشكلها وكانت تجى من الخارج بشكل قليل واذكر من قبل ارمضان االامهات ياخذون بقايا خام الملابس ويخيطونها اكياس وحنا يالاطفال كل وحده تحجز لها اكبر واحلا كيسة ونتفاخر فيها