صور من كويت الماضي ...
 

مشكوره يابنت الزواوى الف شكر
على هذى الصور الجميله النادره

حديقة سلوى انا اذكر انى دخلتها بس ما ادرى اى سنه

اما صورة المطار فباعتقادى انها لمطار النزهه

اكرر لج شكرى

كل الشكر لج على هالصور بس لو ذاكرين لنا تقريبا هالصور اي سنوات التقطت

حياكم الله اخواني .. وان شاءالله اضيفلكم مواضيع احلى واحلى ..

كل التقدير والشكر لج يا بنت الكويت
والله ياريت تضل الأماكن موجوده عشان يتعلم الجيل اللي بعدنا شنو الكويت

اي والله صاجه .. :)

يعطيج العافية على الصور الجميلة يمكن في شي أحب ان اضيفة كل مايضيق صدري امر الديرة وامر بالسيارة وافتر بشرق أحس براحة غريبة ما ادري ليش الماضي يجذبني كل شي قديم أحبة وأحن لة وجميل ان الانسان يحتفظ بالصور هذة ولكي كل الشكر مرة ثانية .

السلام عليكم

اولا أشكر الاخت بنت الزواوي على هذه الصور الجميله
ثانيا سؤال للاخ جابر اين تجد الكويت الماضي أكلتها ناطحات السحاب التي أخذت تشق ارضنا وتأكل كل مايمت الكويت الماضي بصله
أذكرلي مكان واحد اللي تشم منه عبير كويتنا القديمه
جزاك الله خيرا

في اماكن قديمة ممكت تروحين تشوفينها عندج مثلا المدرسة الشرقية لو دشيتيها راح تلاقين متحف جميل وعندج سوق الصفافير وعندج حسينية معرفي وبظهرها حسينية سيد علي لو بغيتي زود اقولج
وانا أقصد بالقديم اقصد الاماكن او المناطق القديمة التي كانت فيها تلك الاثار وهناك ايضا المساجد القديمة مثلا مسجد الرومي مبني منذ اكثر من 150 سنة ومسجد البحارنة مبني سنة 1880 ويحتفظ بالطابع القديم مع وجود ترميم واضح ومسجد المزيدي والصحاف ومسجد شيرين ومقبرة الحساوية ومغيسل شرق لا زالت في أماكنها وكذالك هناك قصر الشيخ خزعل الان للجنة الوطنية ماخذتة وتحت الترميم وراح يصير متحف وعندج المستشفى الامريكاني وبيت دكسن هناك الكثر الكثير والمفروض هناك لجنة وطنية متخصصة تنظم تلك الاماكن وتكون للسياح حتى يطلع عليها وعلى المعالم , واشكر بالاخير كل من وجة لي نقد او استفسار ولكم مني خالص الشكر والتقدير