[جون الكويت]

اقتباس: المشاركة الأصلية كتبت بواسطة كويتى اصلي    مع الاسف الشديد بأن المؤرخ عبد العزيز الرشيد تجاهل الشخصية الكويتية التى ذهب معها الشيخ احمد الجابر الى الحج والذي تكلم بالنيابة عن الشيخ احمد مع شريف مكة عن السرقة .

اقتباس: المشاركة الأصلية كتبت بواسطة كويتى اصلي    ( فيا للأسف بأن من صنع التاريخ تجاهل التاريخ )

عيب هذا الكلام يا اخوي كويتي اصلي
واكيد انك ما تقصد معناه

اول شي التاريخ مو مصنوع، يعني صنع التاريخ هو تأليف الكذب !
الشي الثاني شلون يكون الرشيد تجاهل التاريخ وهو صاحب السبق والمبادرة في تدوينه !!! قبل كل من عاش في هذه الأرض

ولولاه بعد الله .. لكنا بلا تاريخ مكتوب

وبعدين الفكرة ان هذا الرجل وضع حجر الأساس واللبنة الاولى التي يقوم البنيان عليها .. وقد فعل الله يجزاه بالخير ورايته بيضا

وبعدين كأنك تقول لازم ان الرجل يذكر كل شي عن كل شي ! هذا مستحيل، وما أكمل طباعة التاريخ اصلاً.

وعندك الشيخ عبد الله النوري الله يرحمه ويبيحه ألف كتاب كامل عن حياة الشيخ أحمد الجابر الصباح وهو يعرفه زين .. ليش ما قلت عنه إنه تجاهل التاريخ ؟؟؟
ذكر سفره للحج بشكل عابر .. والكتاب كله يشبه الخواطر .. ليش ما ننتقده بشكل لاذع؟؟ هذا ما يجوز يا خوي كويتي

كلنا مقصرين في تدوين تواريخنا وكلنا نتحمل المسؤولية .. مو بس المرحوم عبدالعزيز الرشيد طايحين فيه وهو احسن الينا وكان سبب في نهضتنا الفكرية بالكويت.

وأحس من كلامك ان اللي سافر مع الشيخ شخص انت تعرفه أو يقرب لك!
انزين اذكر لنا اسمه علشان كلنا نستفيد.