[معربه الجدين]

يا بلاك بيري ما عرفناك في خير = يا كثرهم ربعك و خلان ببي

اشغلت خلق الله في صبح و عصير = كنك تقول لنار الاشواق شبي

يا التوت الاسود يا حبيب الجماهير = كلن نقلك و من وراك امتخبي

غزيتنا و اذهبتنا بالمعاصير = ولعت نارن بالحشا تلتهبي

قالوا تميز بالتطور عن الغير = يميز المطنوخ في كل دربي

كشخه و ذرب و شخص جذاب و امير = يرفع مقام الناقص المستطبي

و متخلف و رجعي و يحتاج تطوير = اللي ما عنده توت و معه متربي

ما عم كل الناس في هالتصاوير = لكن به اشخاص(ن) لصوته تلبي

تلقاه ضايع بين ضحك و تزاوير = غايب عن العالم بلا عذر طبي

شات و غزل و حب كذب و تعابير = حلوم ليل امن الخرافه تعبي

بين الشباب و بين جمع الغنادير = من خلف ببي اعذب الكذب حبي

رسايلن من دون منطق و تبرير = قروب(ن) لمدحي و الاخر لسبي

صارت مجالسنا بليا مسايير = بلاك بيري له مضيف و مشبي

انا اشهد ان بلاك كله مخاسير = هبي من المشرق على القوم هبي

في هالزمان اخلفت كل المعايير = نستخدم الموجب على طول سلبي

الغرب يقطع بالتطور مشاوير = و حنا سوالفنا لهالحين ببي