[فحيحيلية أصيلة]

عمية تمشط لها مجنونة= ما اردى من المربوط الا المفتلت ، لكن التعبير الاول مشاع عند البدو كثيرا .
لا حبا ولا برك= يعني لم يحبي ولم يبرك اي يقف مكانه دون حركة ، مثلا بنت اول مرة تقهوي، وصبت القهوة اترست الفنجال وهذا غير محبذ عند عامة الناس وعشان تستفيد من تجربتها لما صبت مرة ثانية صبت شووووووووية ، والمطلوب الامر الوسط ، ف يقال لها " لا حبا ولا برك؟!!
بياع الخبل عباته= تطلق على موقف معين مثلا، اليوم كنت متوقع ان الجو بيكون بااااااااارد جداااا ف ثقلت باللبس وطلع بالواقع ان الجو عادي معتدل الحرارة و زهقت وقلت بكرة انشالله ماراح اثقل باللبس عشان لا تزهق مثل ما صار معاك، وفعلا لبست لبس خفيف لانك متوقع جو اليوم بيكون مثل امس، ويحصل الغير متوقع، برد قااااااااااارص شديدددد البرودة وانت ما كنت مثقل باللبس لانك متوقع ان الجو بيكون مثل امس حر.
ليش جبت مثل عن اللبس والرداء؟؟؟؟
لان هذا المثل له قصة>> كان في واحد فقير جدااا جدااا بالشتا يلبس بشت ثقيل عشان يتدفا و بالصيف يبيعه عشان يحصل على رزقه، ويلقى هالبشت من عطايا المحسنين، جا يوم من الايام كان بموسم شتا ولبس هالبشت عشان يتدفا بطبيعة الحال لكن كان الجو حار على غير المتوقع، ف اش صار معاه؟؟ قال الظاهر ان مابه شتا خلاص، ببيع هالبشت واستفيد منه كعادته في ايام السنة، وجا الغير متوقع>>> امطار رعدية وخبركم هو بالصحرا لان هالقصة من البادية، وقعد اهو لابس خفيف على اساس انه حل موسم الصيف مثل ما كان يظن، و طولت عليه ايام الشتا مرض طبعا.
و مثلا بالبرد القارس الى يومنا هذا في ناس يقولون مثلا :" برد مووووووت.. بياع الخبل عباته و قد تكون لغة تحذيرية بان البرد للحين قارص وثقلوا بالهدوم. . وبالمناسبة عباته يعني بشته حتى باللغة العربية الفصحى نسمع عن قصص من احاديث وكذا يذكرون ان فلان كان لابس عباءة وتعني البشت عادة او الرداء الي فوق اللبس بعض الشعوب عندهم باللهجة العامية دقلة.
ولكم تحياتي.