طلب مساعدة: تحديد مسميات بعض الحلي

[نوناي]

ياجماعة الخير عطوني مسميات هالصور تحديدا اوك انتظركم ضروري اليوم

- 1 -


- 2 -


- 3 -


- 4 -


- 5 -

[بن شمّوه]

مرحبا ويا هلا فيج أختي "نوناي"
موضوعج يبيله متخصص ويكون عنده محل ذهب بسوق المباركية


منقووول

اســمـاء انـواع الـذهـب عـنـد النساء قـديــمــا ..

السلام عليكم ورحمة الله وبركاته



1- المرتهش---- كبير الحجم وفتحته كبيره يوضع حول الرقبه

2- حب الهيل---- يوضع حول اليدين

3- الكاسر-------- فوق الراس

4- المضاعد------- لليدين

5- الجف او الكف---- فوق اليد وله خمس اصابع

6- المرتعشه---- اصغر من المرتهش واحجام مختلفه احيان ما يوضع فوق المرتهش لتغطية الجزء

البين من الرقبه

7- المريه ---- عباره عن كور من الذهب مجوفه من الداخل متصله بعضها البعض

8-السلاسل ---- عباره عن قلوب معلقه فيها واشكال مختلفه

9-الطاسه ---- فوق الراس وفيها اشياء نازله على الشعر

وفي منها فوق الراس بالتحديد واعتقد انها شبيهه بالكاسر او نفس الشي لا

فرق بينهم

10- كرسي جابر ---- يكون اكبر من المرتهش وبه بالوسط دائره

11- الخاتم --- طبعا غني عن التعريف

12- التراجي (( شقابات)) -- حلق الاذن

13- الزمام مفرد زميَم ---- يوضع بالانف

14- المحزم ---- يوضع بالخصر

اتمنى اني قدرت اوصل معلومه وقدرت افيدكم بشي

[بن شمّوه]

وللمزيد هذا رابط مدعماً بالصور لمشاركات بعض الأخوات والأخوة مشكورين عن "الحلي في الكويت قديماً"

http://www.kuwait-history.net/vb/showthread.php?t=3100

[نوناي]

تسلم اخوي ماقصرت

عالاقل لو تقولي الصورة 2 و3 شنو اساميهم تسوي فيني خير

[اصـيـله]

2 و3 تراجى
و4 بقمه او بغمه
وانشالله ماكو غلطانه لان يبيلها واحد خبرة بالذهب
او حرمه كبيرة بالعمر

[بن شمّوه]

اقتباس: المشاركة الأصلية كتبت بواسطة اصـيـله    2 و3 تراجى

اقتباس: المشاركة الأصلية كتبت بواسطة اصـيـله    و4 بقمه او بغمه وانشالله ماكو غلطانه لان يبيلها واحد خبرة بالذهب او حرمه كبيرة بالعمر

عاد توني كنت بجاوب

يا مال العافية عزيزتي "أصيلة" على الإيضاح, ولو إني توقعت الأخت "نوناي" تقصد على الشكل والموديل...
طلعت السالفه كلها بس بغمه وتراجي

[نوناي]

1 -


- 2 -


- 3 -


- 4 -


- 5 -
قطعة ذهبية مثلثة الشكل تعلق في الشعر في منتصف الرأس
حتى أعلى الحاجبين مغطية الجبهة بأكملها وعادة ماترتديها الصغيرات



تحياتي لكم

[الأصيلة]

(2)
الهامه

(3)
مضاعد

(4)
الجف

[نوناي]

تسلمووون كلياااتكم


ويعطيكم العافية