فيلم عن اسواق الكويت القديمه

[فحيحيلية أصيلة]

الف شكر اخوي عبدالرحمن على هالفيلم القيم و الرائع.. يقول المعلق محل السمبوسك >> انتو خابرينه ؟محل السمبوسة الي بالزاوية ما غيره>> يا الله اش قدم هالمحل!!! >>و انا عبالي لما يقولون قديم يعني على ايامي اواخر الثمانينات.. طلع اقدممممممممم –بس حسافة اخر مرة رحت توني بداية رمضان الا مغيرين مكانه صج انه قريب من الاولي.. بس حتى بهالفيلم يقول انه كان بالزاوية يعني قعد فترة و هذا مكانه حسافة انه تغير .. و معلومة اول مرة اعرفها انقالت بهالفيلم –حتى المعلق يقول هالمعلومة مو شائعة الكل يعرفها->> سوق التمر خابرينه ؟ هذا للحين موجود>>المعلومة تقول ان هالسوق كان محكمة –و هي تقريبا اول محكمة بالكويت .

يا الله يا كريم انك تحمي هالسوق و هالمباني من التطور >>الي ما بغى الا يغير جلدتنا>> احنا اكيد مو ضد التطور و التكنولوجيا>> بس يا ناس خلاص صرنا نبي مكان يخصنا بمعنى يخصنا

اكرر شكري اخوي عبدالرحمن
و تحياتي للجميع