أمير وشاعر قرية الشعيبة ( عبدالله بن محمد الغصاب )

[البريكي]

اقتباس: المشاركة الأصلية كتبت بواسطة AHMAD    وفي نفس الكتاب .. يقول الشاعر رجا بن سعدون الفزير يالله يا عـلام فـي غيـب هنـي ,,, يارافـع الرايـات رب العـبـادي تمحي الذنوب اللي قبل قد مضني ,, واغفـر لنـا زلاتنـا هالجـدادي فيرد عليه شاعرنا الكبير عبدالله القصاب بتلك الأبيات والرد على بحر المسحوب : اهلين ياللـي بالكتـاب امتعنـي ,, ويامرحبا ترحيبـةٍ مـن فـوادي عد الغيوم اللي نشـن وامطرنـي ,, وباقي التحية ما عرف له عدادي ترحيب عودٍ غايبٍ لـه مضنـي ,, متغربٍ لـه فـي ديـارٍ ابعـادي عودٍ كفيف ودمعتـه مـا تونـي ,,, صخيف حال وفي عصاته يقـادي جاه البشير وقـال تكـال منـي ,,, مشعوف بمضنونه وقف له ينادي نوبٍ يهلـي بـه ونـوبٍ يونـي ,, مشعوف ما له غير شوفه مرادي في جيش اخوي اللي لبيتي نصني ,,, عيرات الانضى قاطعات الريـادي قلت الغنـم بقدورهـن يطبخنـي ,,, والبن يحمس وانجزو بالقنـادي قال العجل واجهزت جيشٍ يعنـي ,,, واجنبت ما ادري بالبلد والبوادي تسعين من دشن الغوا كـل فنـي ,,, تسعين مع تسعين فيهن اسنـادي عشرين من يم الظفيـر اشملنـي ,, ويـدورون وينشـدون البـوادي وعشرين من يم الحساء سندنـي ,,, يـدورون ومجتهـد باجتهـادي واما اربعين من القصور اقربنـي ,,, يدورونه من حساهـن وغـادي وعشرٍ على وسط العرب دوجنـي ,, حافن وشافن من ظهير البـلادي وجابن غزاليـن المهايـر تعنـي ,,, غزلان صيد ويرتعـن بالحمـادي وقلت الشحم ينكس اليا نومسني ,,, وجبنا وقضبنا رجا بالايـادي يا اخوك تلعات المهـا صوبنـي ,,, ليت الهوى خيره وشـره يـلادي لا قلت اجوز من الهوى ارجهنـي ,,,جاني على غفله بلايـا جهـادي

هذه قصيدة رجا سعدون الفزير (الرجاوي )
كاملة


يالله يا علام في غيب هني = يارافع الرايات رب العبادي
تمحي الذنوب اللي قبل قد مضني = واغفر لنا زلاتنا هالجدادي
قالوا لي ادله قلت ما دلهني = كثر السوالف عن ربيع الفوادي
دمعي يفوح من العيون اعمسني = ما غلمشت عيني بحلو الرقادي
اجاوب اللي بالخلا يقنبني = واسهر وحاديني عن النوم حادي
ياراكب اللي عديهن ما يوني =فج الذغون ومحكمات العضادي
اسداس حيلٍ ما بعد ولدني = عشرين منوة كيف وغاية مرادي
جيشٍ تنومسهن بحس المغني = نسع الغوارب والاباهر سنادي
وقفٍ نسايل وقف ما يجلبني = من عمرهن ما جن صفاة البلادي
مقيضات لين اهن بردني = يوم العرب شدوا يبون المنادي
مشروبهن شطٍ ومأكولهني =نبتٍ بغرس ظلال وقت البرادي
مربعاتٍ لين اهن ورد مني = في ظفة اللي كاعمٍ للمعادي
يرعن زهر نوار ما يصفقني = لين الثريا قارنت ليل هادي
يومه خلص مرباعهن حدرني = الله يكافيهن عيون الحسادي
ياهل الركايب عجلوا دشنهني = ثم اركبوهن يالعيال النوادي
يشدن اداما ذيرن وجفلني = ثور عليه و هج له مع حمادي
ينصن ابن غصاب لا يمرحني=عبدالله اللي بالمراجل يبادي
ابومحمد ريفهن لا اقبلني = تلقى اللحم فوق المناسف وكادي
وسلام احلى من لبن عربهني = وعد البذيرة والدبى والجرداي
وقل له تراني يوم اجيك متعني = ولله ما قصدي حكايا الربادي
انا من اول سالمٍ ومحنني = ثنتين منهن عفت شربي وزادي
ظبي وغزال بالعيون اذبحني =ذبح عجله ماهو بذبح الركادي
الظبي خلاني من اقصاي احني = حنين مفرودٍ عن الطرش غادي
واما الغزيل يزوي الحال مني = زوله زواني زي وسر الشدادي
واجهتهن عجلٍ وهن واجهني = وقالن لي اقعد واشتهيت القعادي
عن لعبةٍ فاتت يبن ينشدني = واللعبة القرى غدت لي نفادي
ما رحت عنهن لين اهن صوبني = وعرقن على كبدي بحامي الهوداي
ثم سلهمن بعيونهن واضحكني = يوم اشبحني بالعيون الحدادي
وتلافتن من بينهن واهرجني = هرجٍ يخلي القلب فيه أجتلادي
سجيت عن ما في يدي واخلفني = وغديت مثل الزرع يوم الحصادي

[PAC3]

هذه أبيات للمرحوم عبدالله الغصاب يسندها على المرحوم عبدالله الصلال
حول معاناة الغوص ذكرها لي احد كبار السن حيث أنني لم اسمعها من قبل وقد يكون لها تكملة

قام يتزبر غيمها يا بن صلال
والشمس جاء من دونها ظل وغيوم

وأنا على هيرٍ به العاف سلاب
لاواهني من فارقه لو ربع يوم

النوخذه جعدي ولايرحم الحال
متكبرٍ فينا ولاهو بملزوم

العاف : التيارات الباردة في قاع البحر وتأذي الغيص

تحياتي

[AHMAD]

ولازلنا نحاول جمع قصائد شاعرنا عبدالله بن قصاب ..

وهذه السامرية الجميلة ,,

وا عذابي كان عرض صاحبي ما جاني ,, وش علامك يا عديل الروح تبدي الخونه
خابر ان الولف وان الولف ما نساني ,, خربوه اللي نووا له بنيّة ملعونة
أشهد ان الله بلاني بالهوى وأشقاني ,, من تولع بالمحبة زايدات شطونه
لي نظرت العين واسود الحجاني ,, والخدود اللي تلالا مثل برق مزونه

[AHMAD]

السامري الدوسري ...

البارحة يوم أول الليل كد زلّي ,, جاني عديل الروح مريوش الأعياني
فزيت له من فرحتي وأنا أهلّي ,, حييت يا زول من البعد جا عاني
حسبي على الأحلام جابن لي مسلّي ,, باذكر ولولا صافي اللون ماجاني
منى على الله تالي الحمد لاهلّي ,, حيثه مجرب بالفرج لي ولهاني
متى على الله مدة الغوص تنحلّي ,, والقي عشيري بين أهلي وحياتي
والغوص زلة حسبة جعلة يولّي ,, خرب قواهم مركب فيه دخاني

[PAC3]

الاخ بوعبد اللطيف هذي بعض الابيات الرائعة للمرحوم عبدالله الغصاب وهي من القصائد النادرة ويقول فيها :

نواخذة هل من جبلة إهلال شعاني.... قبل إنا دالهن واليوم ذكر عليه
قبل أشوف الهلال مهملجات عياني....ارقد الليل والعيشة بجبدي هينة
يوم شفته من الجبلة عذابي لفاني ......فوق حجان مضنوني هلال ٍ حليه
جادلن تذبح العاشق بحلو اللساني.....لأضحك بالثنايا مكن الرمح فيه
لابعاري ولأهو من كبار المثاني.....حشو الأسلاب ما غيرة لقلبي نحيه
ما تبدل يغيره دام اهو ما نساني.....دام ما شاب رأسي والليالي مديه

[PAC3]

وهذه ابيات اخري للشاعر المرحوم عبدالله الغصاب رحمه الله :

كريم يا بارق ينوض فجري .........عساه بأمر الوالي يمشي شعيبه
أليا ضرب واديٍ خلاة يجري.........خلا جميع القبايل ترتوي به
البارحة ساهر والدمع يجري........والقلب حزن على فرقا حبيبه
يا مترف الروح منك الحال مبري.....بري النجاجير بعيدانٍ صليبه
يابو عيون لأقامت تخزري .......تدني بالأسباب وتذبح من تصيبه
بابوقرون تغذي بالشمطري........مثل السفايف على كور النجيبه
اثر الهواء كايدن والحب يبري..... ...امصيبهٍ ياكبرها من مصيبه
أسباب ماصباني عمل وخبري ........إلا ضحي العيد ذوقني حليبه
من طاب لي طبت له والكل يدري .....وإذا تنكر علينا وشن نبي به

[AHMAD]

سامري

أمس وافيت ناس بالهوى داخلين ,,,,, عرض لي ضحي الإثنين وسط الصفاة
قلت لهن أوقفن قالن تحداك اللعين ,,, يوم راعي الهوى دنق وطاحت عصاه
انعشوني على العمدان يا المسلمين ,, واعرضوا لي على المجمول دمث الشفاة
أحدٍ قال بن قصاب وينك وين ,, واحد قال خيره ما يسادي غثاه

[AHMAD]

وهذه سامرية تنسب له :

ألتفت وشفت مجمول حسين ,,, أشهد ان الله على زينه عطاه
يوم شفت الوان وجهه نافلين ,, كامل كل المعاني والحلاه
لابس الجرجيس ونفنوف يبين ,, حمرة تاضي على كتر العباه
عرضوا يمشون راحوا مشملين ,,, هيضوا عبرات صدري في عناه
اسمها بالخمس كتوب يبين ,,, اوله بالميم والفاهــم يـــراه

[بوجاسم]

مشكورين على الموضوع القيم عن الشاعر الأمير عبدالله بن غصاب أمير الشعيبة

بس أبي قصيدته اللي يقول فيها:

يا عيد وافاني غزالٍ عندكم مدلول
الخالق الله جابني له يوم وافاني
......
...... (بيتين ناقصين)
أحسبه حَمَارَ الساق احسبها حَمَارَ احجول
قعدت اطالع فيه من منه تعداني


في منها سامرية لفرقة الفنطاس في هذا الرابط

https://www.youtube.com/watch?v=cbTTkrwuYng

[PAC3]

اقتباس: المشاركة الأصلية كتبت بواسطة بوجاسم    مشكورين على الموضوع القيم عن الشاعر الأمير عبدالله بن غصاب أمير الشعيبة بس أبي قصيدته اللي يقول فيها: يا عيد وافاني غزالٍ عندكم مدلول الخالق الله جابني له يوم وافاني ...... ...... (بيتين ناقصين) أحسبه حَمَارَ الساق احسبها حَمَارَ احجول قعدت اطالع فيه من منه تعداني في منها سامرية لفرقة الفنطاس في هذا الرابط

اقتباس: المشاركة الأصلية كتبت بواسطة بوجاسم    https://www.youtube.com/watch?v=cbTTkrwuYng

سامرية (ياعيد وافاني غزالً عندكم مدلول) من روائع المرحوم الشاعر عبدالله الغصاب الشعرية, يتم تناقل أبياتها من قبل البعض بشكل غير صحيح لذا وجب علينا أن نقوم بتصحيح تلك الاخطاء الغير مقصودة وكتابتها كما هي معروفة ومنقولة لدينا من كبار السن كالتالي :

ياعيد وافاني غزالً عندكم مدلول

ياخالك الله جابني له لين وفاني

ساعة نطحني قلت له يازول أبوي الزول

قعدت أفكر فيه لين أنه تعداني

أحسب حَمار الساق ياخالك حَمار حجول

ناوي بكتلي يقصر الخطوه على شاني

ذكر علي عصراً مضى لي يوم أنا مجهول

اسحب أردون الثوب وأطرد خرس الأعياني

للتوضيح

عيد المقصود في هذه الابيات هو المرحوم عيد بن محمد الرمضان الهاجري الذي توفي شاباً وعمرة مايقارب 23 عاماً ,. والدته رحمها الله هي أبنة المرحوم علي بن محمد بن غصاب وعمها هو المرحوم الشاعر عبدالله الغصاب لذا فالمرحوم عبدالله الغصاب من أخوال المرحوم عيد و بمثابة خالة لذا نلاحظ أن الشاعر ذكر بالابيات مرتين "ياخالك ". قديماً كان أهالي قرية ابوحليفة يقيمون السامر والعرضة في الاعياد والافراح في ابوحليفة وذكر لي أحد كبار السن وهو من نقلت منه القصيد أن عندما يقيم أهالي ابوحليفة العرضة و السامر قديما كانت النساءيحضرن ويجلسن بالقرب من مكان العرضة أو السامر للاستماع فكانت والدتة رحمها الله ترسل أحد الأولاد الصغار لهذا الرجل وهو يمثابة ابنها لمعرفتها به وتطلب منه ( شيلة ياعيد ) لحبها لابنها عيد رحمة الله فهذه القصيد الجميلة تضاف لقصائد المرحوم الشاعر عبدالله الغصاب في أرشيف المنتدى وتصحيح لماجاء بتسجيل سامر فرقة الفنطاس.
تحياتي للجميع