سرور بن فروان شخصية تكاد تكون مجهولة للكثيرين
وعشان جذي قلت افتح موضوع نحاول نعرف هالشخص
اللي سميت بأسمه منطقة من مناطق الكويت ثم انتقل الأسم إلى المحافظة
الا وهي محافظة الفروانية
أذكر بالثانوية لما كان يشرح لنا المدرس اسماء المحافظات وقال الفروانية على اسم رجل يسمى فروان كنت اعتقد انه اجنبي كان اسم غريب علي وهذي كانت اول مره اسمع بفروان لكن قدرت مع مرور الزمن احصل على معلومات عن سرور بن فروان وحبيت انزله كمشاركة واللي عنده اضافات ياليت يثري الموضوع بالردود
ذكر الشيخ عبدالله الجابر ان سرور بن فروان كان من رجال الاخوان من مطير وانه كان من اهالي هجرة الأرطاوية وكان خاله فيصل بن سلطان الدويش وان الاخوان اضبطوه يتتن وكانوا في زمنهم يعظمون التدخين فجلد بسببها
وبعد هذه الحادثة نزح للكويت عند جماعة من مطير وسكن موضع في البادية وضمه الشيخ احمد الجابر لخوياه وبعدها حفر بئر في الفروانية وصار على البئر نزاع وقضي القاضي في ذلك الوقت بأحقية سرور بالبئر...
ويذكر حمد السعيدان في الموسوعة الكويتية المختصرة انه قابله عام 1957 و وصفه بأنه ضخم الجثة ..
احد رجال احمد الجابر .. وحفر اول بئر بالدوغة وبيته سابقا بجوار مسجد ابي شيتان ومن اوائل ساكني قرية الدوغة .. واطلقت الدوله اسم الفروانية على اسمه " سرور بن فروان من الجبلان " تكريما له ..
الله يرحمه ..
احد رجال احمد الجابر .. وحفر اول بئر بالدوغة وبيته سابقا بجوار مسجد ابي شيتان ومن اوائل ساكني قرية الدوغة .. واطلقت الدوله اسم الفروانية على اسمه " سرور بن فروان من الجبلان " تكريما له ..
مشكور اخوي عمر على الأضافات القيمة
فقط ملاحظة صغيرة حسب كلام الشيخ عبدالله الجابر
سرور اصله رخيمي مو جبلي
لا هنت أخوي حمر عين
على ما قدمت من سيرة طيبة لابن فروان
وبيض الله وجهك
و وجهك ابيض ياخوي
وحاظرين للطيبين
اقتباس:
العفو ..
والله هالامر سئلت فيه من ربع من مطير وجبلان قالوا لي جبلي ..
اذا انت منه او منهم تقدر تأكد وانتم ادرى من المرحوم عبدالله الجابر وادرى مني
ووفقني ووفقكم الله
لا ما أعتقد ياعمر
الشيخ عبدالله الجابر اكيد قابل سرور بن فروان
وانا اثق في معلوماته
وشاكر لك مرورك
التعديل الأخير تم بواسطة حمر عين ; 25-08-2008 الساعة 08:31 PM.