راسل ادارة الموقع جديد المشاركات التسجيل الرئيسية

 
 
        

اخر المواضيع

 
 

 
 
العودة   تاريخ الكويت > منتدى تاريخ الكويت > القسم العام
 
 

إضافة رد
 
أدوات الموضوع إبحث في الموضوع انواع عرض الموضوع
  #1  
قديم 01-09-2010, 03:12 PM
الصورة الرمزية فحيحيلية أصيلة
فحيحيلية أصيلة فحيحيلية أصيلة غير متواجد حالياً
عضو مشارك
 
تاريخ التسجيل: Aug 2010
الدولة: اهي الدار اللي ربتني.. اهي الكويت
المشاركات: 148
افتراضي رحلة الى سوق الحريم (تعالوا خـ انبش بغريضاتهم)!!-تقرير مصور







السلام عليكم .. باديء ذي بدء الموضوع للنساء فقط .. اليوم جايبة موضوع خاااااااص بالبنيات والحريم>> و بصراحة اهم عصبببب هالموضوع بما ان الموضوع اسمه "سوق الحريم" : - انا من كثر ما تحمست لهالموضوع رحت لحواجنا بنفسي وصورت انواع الحنة وش الفرق بينهم لان في موضوع الحنة احتجت صور اكثر دقة عشان اوضح الفرق و بصراحة ما لقيتها على النت - بتشوفون من خلال هالتقرير وانشالله تستفيدون.

اكيد واااااااااجد سمعتوا عن سوق الحريم ، هذا اذا ما جيتوه وشفتوه حتى لو من بعيد وانتوا رايحين المباركية –واسمحوا لي ما اعتقد في كويتية ما تعرف وين واشلون صاير سوق المباركية !!!

بس في مرة فكرتوا الحريم ، الي في السوق وش يبيعون؟؟؟؟
فكرة الموضوع اني جايبة طبعا بعض الشغلات الي كانوا يبيعونها الحريم الي بسوق الحريم ، مع ذكر فوائد الاصناف الي يبيعونها >> يعني مثلا اذا بقول انهم كانوا يبيعون حنة ، طيب ما هي انواع الحناء؟ واذا يبيعون سدر اشلون استخدامه؟ وهكذا –انا طبعا تعودوا علي عادي ما عليه نص فصحى ونص بدوي ونص حضري .. اولا بوريكم اغراضهم الي يبيعونها عادة : >>in general





بالذااااااااات المكحلة>> وانا صغيرة ربي يسلطني على مكحلة جدتي لالالالالالازم أكت كلللللل الكحل الي داخلها ، عجزت يا خواتي اطل فيها بعين وحدة ما اعين الا ظلالالالالالام، ذبحني الفضول جان اخذها واكتها على الطاولة لا وبعد اطقطقها على الطاولة لين تطلع روحها .. ما دريت ان هالكحل له فواااائدٌ جمة >> next

أولا: الكحل :





الإثـمـــــد
" الكحـل العربـي "
عن عبد الله بن عباس رضي الله عنهما أن رسول الله صلى الله عليه وسلم قال: " إنّ مِنْ خَيْرِ أَكْحَالِكُمُ الاِثْمِدَ إنّهُ يَجُلُوالْبَصَرَ وَيُنْبِتُ الشّعَرَ "

من فوائد الكحل:
إنبات الرموش :
إذ توجد في الاثمد خصائص دوائية تؤثر على البشرة والأدمة فتنبته و تنشط بصيلة الشعر مما يكون عاملاً في نموها و ثباتها

و إن إنبات رموش العين يفيد من ناحية صحية و هو إبعاد الغبار و الأوساخ عن العين و له ناحية جمالية إذ يعطي العين جمالاً خاص .(1)


ثانيا : الديرم :




الديرم ) شجرة قديمة جدا ومع مرور الزمن أصبحت تملأ أحاديث النساء نظرا لفوائدها العظيمة وفوائدها المتعددة وأصبح معظم النساء لا يستطعن الاستغناء عنها لتنظيف الأسنان , أما فوائد ( الديرم ) عند السيدات فهي لا تحصى ولا تعد لكن أبرزها هي استخدام ما تجود به هذه الشجرة في التجميل وصبغ الشفاه انه جزء من الفوائد العظيمة لهذه الشجرة .
غنية بالألياف
يقول احد العطارين :الديرم هو عبارة عن قطع خشبية غنية بالألياف من شجرة الجوز وتتميز بشكلها الجميل والنكهة اللذيذة وأصلها يرجع إلى المناطق الآسيوية وتستورد من الهند تستخدم للنساء لغايتين أولا : نظافة الأسنان وتبييضها و ثانيا : لصبغ الشفاه كعملية تجميل , والديرم أو الديرمة موجودة بالسوق على شكل قطع خشبية مختلفة الطول ولها رائحة ضعيفة وطعم حار والغاية من استخدامها من قبل النساء هو تنظيف الأسنان وإضفاء المظهر الصحي والجمالي للشفة .

طريقة الاستخدام
وعن طريقة استخدامه تقول أم احمد (42 عاماً) إحدى مستخدمات الديرم : تقطع قطعة صغيرة وتمضغ حتى تصبح رطبة وبعدها تفرك على الأسنان خاصة الأمامية وكذلك تصبغ الشفاه وذلك عن طريق عصر ( الديرمة ) عليها لتطلق المادة الصابغة من القطعة المستعملة وبعض النساء قد يحتفظ به داخل الفم وتمص الناتج منه من وقت لآخر مما يجعل عملية الاستعمال تستغرق مابين 5 إلى 60 دقيقة . أما أم نوره (26 عاماً( فتقول تعلمت هذه العادة من والدتي وأخواتي اللاتي يكبرنني في السن وقمت بالتجربة ورأيت أنها ذات فائدة من ناحية تنظيف الأسنان وإضافة الرائحة الجميلة للفم وأقوم باستخدامه مرتين أو ثلاث مرات في الأسبوع إضافة إلى الفرشاة ومعجون الأسنان وذلك لإزالة المواد المتبقية من بقايا الطعام المترسب داخل الأسنان . (2)

ثالثا: المسك :


يعتبر المسك ملك الأطياب والمسك كلمة عربية هي اسم لطيب من الأطياب القليلة التي مصادرها حيوانية, وقد ورد ذكر المسك في القرآن الكريم في وصف الأبرار .
المسك في التاريخ:

ثبت في صحيح مسلم عن أبي سعيد الخدري رضي الله عنه عن النبي صلى الله عليه وسلم انه قال: "أطيب الطيب المسك" وفي الصحيحين عن عائشة رضي الله عنها : "كنت أطيب النبي صلى الله عليه وسلم قبل ان يحرم ويوم النحر, وقبل ان يطوف بالبيت بطيب فيه مسك.

والمسك ملك انواع الطيب واشرفها واطيبها وهو الذي يضرب به المثل بين الاطياب جميعها لأنه يسر النفس ويقويها ويقوي الأعضاء, الباطنة جميعها شربا وشما والأعضاء الظاهرة اذا وضع عليها. (3)

و له ثلاثة أنواع :
1-مسك حجر :




لين وناعم الملمس عطري الرائحة يباع على هيئة مكعبات (4 أ)

2- المسك الاسود :


المسك الطبيعي له لون أسود أوبني غامق سواءاً كان في شكل بودر (وهو مايستخرج من صرة الغزال ويباع بصرته كما هو أو يباع بالغرامات)يتم استخراجه وتجفيفه في الشمس أو في الزيت الحار..
أو يكون في شكل سائل كثيف جداً وهو مسك طبيعي مضافة له بعض الإضافات الكيميائية العطرية، وهو أيضاً فعال وله نتيجة مماثلة للطبيعي الخالص..
أما ما يباع حالياً في الأسواق وهو باللون الأبيض أو الوردي فهو مسك كيميائي مصنّع ، وكلما كان لون المسك أدكن كان أفضل..(4 ب)

3- مسك الغزال الحجري :

طبيعي من الدرجة الثالثة مستخرج من انثى الغزال
ولايحتوي ابدا على كحول او مواد عطرية -له رائحة زكية فوااااااااحة جدااااا دون اضافة مواد عطرية كيميائية . (4ج)


رابعا : الحناء >>
ولها انواع :
1- حنة يمنية:
واهي افضل انواع الحنة اذا نتكلم عن الحنة الي تلقونها بالكويت –لان الحنة الحضرمية وهذي الي قليل القاها بالكويت تعتبر اجود منها طبعا. (5)




لاحظوا اشلون غامجة ، لان اذا حطيت صورة حنة المدينة بتكون نفس الصورة لكن مالت المدينة فااااتحة وبقولكم السبب لاحقا ، طبعا اعذروني ما قدرت اجيب صورة الحنة الحضرمية لان مثل ما قلت اهي نادرة بالكويت .

2- حنة المدينة : طبعا سميّت بهذا الاسم نسبة الى بلد المنشأ وهي المدينة المنورة .




لاحظوا اشلون فاتحة، ليش فاتحة؟؟ لان حنة المدينة تجي مخلوطة معاها شغلات اخرى ، يعني معاها سدر ويمكن امبين شويييية بالصورة وبعضهم يحطون ورد ورشوش ، وهالشغلات تتفاعل كيميائيا وبالتالي لون الخضرة –يعني درجة اللون الاخضر- يقل مو مثل اليمنية في الصورة السابقة وبالمناسبة الحضرمية بيور<<pure اكثرررر وتكون جاهزة جايبن ورقها من المزرعة وطاحنينه طحااااااااااااان ، وهذا طبعا اغلى(6) –بس عموما مثل ما قلت لكم بالكويت اهني ناااادر ، بس بتلاقونه سهل جدااااا بالسعودية و الامارات .

3- حنة ام ساعة :

–منو ما يذكرها- ، كانوا يحطونها حق البزارين عشان تخلص تصبغ بسرعة وما ياذونهم ، خبركم الي يتحنون تقعد ايدينهم مربوطة فترة ، ف للبزارين عشان الحركة وكذا ف اسهل لهم حنة ام ساعة الي في غضون ساعة بس تطبع وتحصلين على اللون المرجو(7) ..




>>اهي للحين معروفة مرسوم على الكرتون ساعة وسموها بهالاسم لان مدتها ساعة وتقدرين تغسلينها وبالتالي تعطيج اللون والنتيجة الي تبينها بس بصراحة انا ما افضلها نهاااااائي لاني جربتها وما امدا 5 ايام يعني اقل من اسبوع وبدت تتقشر ويختفي اللون الحمر.. اهي طبعا هالحنة حق الايد مو الشعر ..
4-- الحنة الحضرمية
– وتعتبر اجود انواع الحنة لانها طبيعية جدااا – انا صادفت وحدة بالسعودية اهي يمنية تجيبها من مزرعتهم باليمن ورق طبعا وتدقها بنفسها لييين تصير بودرة –شكل الحنة الي خابرينه- وتبيعها لان افضل انواعها الاصلي تعتبر >>pure ، مثل ما ذكرت سابقا وطبعا غااااااااالية .. عموما اهني بالكويت ما القاها واجد.. اهني تلقون اليمنية وبس يعني مو بالتحديد "حضرمية". - واهني بعض الحواويج ما يعرفون واجد ف اذا قلتيلهم حنة حضرمية يقولج اهي اليمنية وهذا طبعا خطأ شاااائع .
((احب اختم فقرة الحنة بمعلومة جداااا مهمة>> لما تشترين حنة شعر تأكدي انها حنة خااصة للشعر لان في فرق كبير وماراح يبين الا بعد الاستخدام -يعني اذا فرضا حطيتي الحنة الخاصة للايد للشعر راح يصبغ طبعا ويطلع احممممر بس بيخلي الشعر خششششششن سعفة والله لو شنو يالله تعالجينه عشان يرجع كما كان عليه - ف انتهي ...

خامسا : السدر :



قال تعالى: {و أصحاب اليمين ما أصحاب اليمين في سدر مخضود وطلح منضود} [الواقعة: 28]. وعن مالك بن صعصعة عن النبي صلى الله عليه وسلم أنه رأى سدرة المنتهى ليلة أسري به وإذا نبقها مثل قلال هجر، [رواه البخاري].

و والفواكهة وحمض السدر Acide Zizyphique وحمض العفص، ثماره مغذية وتفيد كمقشع صدري، وملينة وخافضة للحرارة ونافعٌ في الحصبة وقرحة المعدة. مغلي أوراقه قابض طارد للديدان ومضاد للإسهال ومقوٍ لأصول الشعر. ونافع من الربو وآفات الرئة. ويمكن أن تضمد الخراجات بلبخة محضرة من الأوراق. وطبيخ خشبه نافع من قرحة الأمعاء ونزف الدم والحيض والإسهال.



كما تستخدم الأوراق المهروسة او المطحونة كمادة لتنظيم الجسم او الشعر، ويقال ان الشعر المغسول بهذه الاوراق يصبح ناعما ولامعا جدا(عن تجربة شخصية هذه المعلومة صحيحة 100% -. كما يستخدم مهروس الاوراق في عمل لبخات لعلاج المفاصل المتورقة والمؤلمة". (8)
و هذي صورة السدر الورق: (بس للامانة انا الي شفته والي اعرفه ان ورق السدر اخضر من جذي بواجد يجوز ان هالصورة للاوراق بعد التجفيف -الله اعلم-





واكيد في غير هالاغراض شغلات وااااااجد اكثر طبعا.. بس هذي بعض الاغراض .. وانشالله اكون وفقت في تقريري

لكم فاااااااائق احترامي وتقديري
اختكم.. فحيحيلية أصيلة .




رد مع اقتباس
  #2  
قديم 01-09-2010, 03:17 PM
الصورة الرمزية فحيحيلية أصيلة
فحيحيلية أصيلة فحيحيلية أصيلة غير متواجد حالياً
عضو مشارك
 
تاريخ التسجيل: Aug 2010
الدولة: اهي الدار اللي ربتني.. اهي الكويت
المشاركات: 148
افتراضي المصادر

المصادر:


(1) http://www.bdr130.net/vb/t487974.html


(2)
http://www.alyaum.com/issue/page.php?IN=12056&P=39.



(3) http://cobarty.jeeran.com/archive/2007/8/294332.html



(4أ ، ب ، ج )
http://forum.stop55.com/188154.htm



(5) ، (6) ، (7) >> المصدر حواجنا –الله يعطيه العافية- بالاضافة الى معلومات سابقة لدي تخص هذا المجال .



(8) موقع الطب البديل :
http://www.o2o1.com/aashab/index.php?aashab=sdr



ملاحظة :
اللون الاحمر هذا تعليقي الخاص

اللون الاسود الاقتباس من المواقع كما هو

اللون الاخضر يدل على ذكر اية كريمة من سورة في القران الكرريم.



وسلامتكم وتعيشون
رد مع اقتباس
  #3  
قديم 02-09-2010, 05:11 PM
الصورة الرمزية DSMAN
DSMAN DSMAN غير متواجد حالياً
عضو
 
تاريخ التسجيل: Sep 2009
المشاركات: 68
افتراضي

والله الموضوغ غاية في الروعة
رد مع اقتباس
  #4  
قديم 02-09-2010, 05:55 PM
الصورة الرمزية فحيحيلية أصيلة
فحيحيلية أصيلة فحيحيلية أصيلة غير متواجد حالياً
عضو مشارك
 
تاريخ التسجيل: Aug 2010
الدولة: اهي الدار اللي ربتني.. اهي الكويت
المشاركات: 148
افتراضي رد

اقتباس:
المشاركة الأصلية كتبت بواسطة DSMAN
   والله الموضوغ غاية في الروعة

السلام عليكم دسمان.. تشرفت كثيراااا بمروركم وتعليقكم.

وتقبلوا فائق احترامي وتقديري .
رد مع اقتباس
  #5  
قديم 03-09-2010, 04:16 AM
عابرة سبيل عابرة سبيل غير متواجد حالياً
عضو
 
تاريخ التسجيل: Aug 2010
المشاركات: 8
افتراضي

وناسه والله
خوش موضوع
بس عندي استفسار عن الكحله ..باين انها بودره !!
فشلون ينحط عالعين ؟؟ وان انحط مايسووح ؟؟؟ ويخلي الجفن اسود؟

تحياتي
رد مع اقتباس
  #6  
قديم 03-09-2010, 05:52 AM
الصورة الرمزية بو عبد المحسن الصايغ
بو عبد المحسن الصايغ بو عبد المحسن الصايغ غير متواجد حالياً
عضو مشارك فعال
 
تاريخ التسجيل: Sep 2009
الدولة: kowait
المشاركات: 331
إرسال رسالة عبر MSN إلى بو عبد المحسن الصايغ
افتراضي

السلام عليكم ورحمة الله وبركاته
شكرا أختي الفاضله لموضوعك الشيق ولكنك نسيتي شيئا هاما لم نكن نستغني عنه سابقا ألا وهو ( صابون الرقي ) لزوم النظافه ,حيث كانت البائعات في السوق تضعن المكعبات بترتيب وكأنها سبائك من الذهب وكان يتم تصنيعه في البصره .
__________________
فعل وقول لا قول من غير فعل
فداك دمـــــــي يا موطنــــي
رد مع اقتباس
  #7  
قديم 03-09-2010, 08:32 AM
MR.ANWAR MR.ANWAR غير متواجد حالياً
عضو مشارك
 
تاريخ التسجيل: Mar 2008
المشاركات: 120
افتراضي

اختي بنت الفحيحيل:
بصراحه ودي اعرف هل يوجد سوق الحريم بالفحيحيل؟

كما تفضا اخوي الصايغ:
نسيتي تحطين الحجر الاسود اللي يفركون فيه الحريم ريولهم تلاقين مكود بالزبيل.
لي قصه ظريفه حصلت في بدايه الثمانينات مع سوق الحريم وقتها كنت ارافق وفد اجنبي(الغالبيه نساء) و قلت لهم اليوم راح اخذكم الى سوق الذهب بالمباركيه و سوق الحريم :
بدأنا بسوق الذهب مرورا بسوق السمج القديم الى ان وصلنا الى سوق واجف (طبعا كنت اشرح لهم كل سوق و نشاطه بالسابق)
بس من دشينا سوق الحريم
الجماعه الاجانب انهدشو و استانسو وايد من البضاعه الموجوده بالسوق و كذلك وقتها معظم البياعات من حريم الكويت.
و اشتغلو تصور مع كل وحده .
اسئلوني عن قصه هل السوق .
بصراحه ماكان عندي جواب لاني لا اعرف اي سنه تأسس و كيف كان بدايته.
رد مع اقتباس
  #8  
قديم 03-09-2010, 10:35 AM
الصورة الرمزية فحيحيلية أصيلة
فحيحيلية أصيلة فحيحيلية أصيلة غير متواجد حالياً
عضو مشارك
 
تاريخ التسجيل: Aug 2010
الدولة: اهي الدار اللي ربتني.. اهي الكويت
المشاركات: 148
افتراضي رد

اقتباس:
المشاركة الأصلية كتبت بواسطة عابرة سبيل
   وناسه والله
خوش موضوع
بس عندي استفسار عن الكحله ..باين انها بودره !!
فشلون ينحط عالعين ؟؟ وان انحط مايسووح ؟؟؟ ويخلي الجفن اسود؟

تحياتي

السلام عليكم...

اختي عابرة سبيل تشرفت واااجد بمرورج وردج.. الكحل اول -يعني ايام جدتي وجدتج- كان اصلا يجي بودرة ترى القلم والاي لاينر اللي انا وياج نعرفه ما طلع الا تالي.. كحل البودرة يتميز بلونه الغامج شدييييييييييد السواد وافضل انواعه "الاثمد" -طبعا الحين واجد صار منه تقليد- يعني لازم تنقيه نقوة يا اما من المدينة او الضواحي المجاورة.. طريقة استخدامه ك التالي>> اولا شوفي هالصورة


شايفة هذا الجزء من الكحل؟.. عادة يلزق فيه الكحل البودرة وتحطينه بعينج وتسكرينها وتسحبينه لي برا.. واذا على سالفة يسيح غالبا لا- واقول لا بالنسبة لاجود انواع الكحل لان يجي بودرة تماما من دون اضافات- وبالمناسبة انا للحين بالمناسبات استخدمه من ضمن المكياج يعني تقدرين تحطين اي نوع كحل بس سبحان الله هالنوع من الكحل احس يعطي العين جمال عربي بالذااااات لان مافي كحل ثاني ممكن يعطي نفس درجة السواد.. شوفي من كم سنة واحنا نستخدم الكحل البودرة هذا؟!!!.. و جيرلان>> ماركة المكياج العالمية المعروفة توها اخر كولكشن حق الكحل عندهم الكحل العربي -و بودرة- و هذي صورته >>





نفس طريقة الاستخدام بس تختلف شوية طبعا العود مالها ما يلزق بالبودرة مثل كحلنا الي خابرينه اهني انتي لازم يكون بيدج كلينكس ومبللته شوووووووية ماي و تحطين العود عليه تالي تدخلينه في المكحلة -والغرض عشان يلزق فيها بودرة الكحل وتطلع معاج-

.. عشان تعرفين ان جدتي وجدتج كانوا على الموضة قبل جيرلان وربعه
بالمناسبة في ناس للحين اول ما يجيبون طفل - وتكون بنت طبعا-من عاداتهم يكحلونها بالمكحلة عشان لما تكبر تصير رموشها شديدة السواد وعيون مكحلة على قولتهم - و للامانة انا هالتجربة شفتها وكانت فعااااااالة جدا.
انشالله اكون افدتج>> تقبلي فااااااائق احترامي وتقديري
وعساج من عواده
رد مع اقتباس
  #9  
قديم 03-09-2010, 10:49 AM
الصورة الرمزية فحيحيلية أصيلة
فحيحيلية أصيلة فحيحيلية أصيلة غير متواجد حالياً
عضو مشارك
 
تاريخ التسجيل: Aug 2010
الدولة: اهي الدار اللي ربتني.. اهي الكويت
المشاركات: 148
افتراضي رد

اقتباس:
المشاركة الأصلية كتبت بواسطة بو عبد المحسن الصايغ
   السلام عليكم ورحمة الله وبركاته
شكرا أختي الفاضله لموضوعك الشيق ولكنك نسيتي شيئا هاما لم نكن نستغني عنه سابقا ألا وهو ( صابون الرقي ) لزوم النظافه ,حيث كانت البائعات في السوق تضعن المكعبات بترتيب وكأنها سبائك من الذهب وكان يتم تصنيعه في البصره .

السلام عليكم بو عبدالمحسن.. كالعادة طبعا دائما مرورك وتعليقك يضيف للموضوع.. اي والله يا اوخيي هذي عاد طافتني صابون الرقي محد كان يستغني عنه.. مادري اشلون طافتني.. وبمناسبة صابون الرقي للحين في ناس يستخدمونه >> انا اتذكر من مدة قريبة كنت مريضة جدااااا مادري شاللي جاني بالمعدة - ف ما اتحمل اي ريحة فواحة احس تخنقني والله لا ريحة عطر قوية ولا صابون ولالالا شي- ف بهالفترة قضيتها صابون رقي مادري احس كان عديم الرائحة ف مريح بالنسبالي او اذا فيه تبقى ريحته خفيفة مو مثل روائح الصابون الي كانت تتعبني بحزتها - الله يبعد عنكم الشر- >> الي بقولك اياه ان هالصابون للحين ينباع وبنفس التشبيه -ماشالله عليك- مثل السبائك.
رد مع اقتباس
  #10  
قديم 03-09-2010, 11:09 AM
الصورة الرمزية فحيحيلية أصيلة
فحيحيلية أصيلة فحيحيلية أصيلة غير متواجد حالياً
عضو مشارك
 
تاريخ التسجيل: Aug 2010
الدولة: اهي الدار اللي ربتني.. اهي الكويت
المشاركات: 148
افتراضي رد

اقتباس:
المشاركة الأصلية كتبت بواسطة MR.ANWAR
   اختي بنت الفحيحيل:
بصراحه ودي اعرف هل يوجد سوق الحريم بالفحيحيل؟


الجماعه الاجانب انهدشو و استانسو وايد من البضاعه الموجوده بالسوق و كذلك وقتها معظم البياعات من حريم الكويت.
و اشتغلو تصور مع كل وحده .
اسئلوني عن قصه هل السوق .
بصراحه ماكان عندي جواب لاني لا اعرف اي سنه تأسس و كيف كان بدايته.

يا هلا و مرحبا فيك اخوي انور.. بالنسبة اذا كان في سوق الحريم بالفيحيحل ولا لا بصراحة ماعندي فكرة>> انا وعيت على امي كانت تودي جداتي الثنتين -الله يرحمهم ويرحم اموات المسلمين- لسوق الحريم ماغيره الي بالمباركية وانا طبعا ضروووووووري كنت ارز وجهي دامه مكان يبيع حنة ومضاعد>> هالشي كنت اموت واحيا الا يشترون لي اياه .. وهالكلام كان اواخر الثمانينات.. يجوز قبلها كان فيه بالفحيحيل وبعدين انشال؟!! -الله اعلم- .. انا بهالفترة كان عمري ما بين الاربع او الخمس سنين يعني ما يمديني اوعى او اذكر اذا كان في سوق الحريم عندنا اهني او لا .. بس الحين اذا سالنا وين كان سوق الحريم؟؟ على طول يدلونا على اللي بالمباركية وما يقولون مثلا الي بالمباركية ولا الفيحيحيل؟! >> و قد يكون هذا استنتاج انه ما كان فيه سوق الحريم الا في المباركية - لكن ايضا الله اعلم- ماعندي فكرة
وعندي تعليق بسيط اذا تسمح لي.. حسااااااااافة ما شرحت للجماعة الاجانب عن هالسوق خصوصا ان الحريم واهم ببراقعهم كانوا الي يبيعون ، يعني سوق الذهب الي رحتو له اتوقع اغلب الي يبيعون رياجيل هنود او ايرانيين او اي جنسيات مختلفة ، لكن سوق الحريم ماغيرهم حريم الكويت >> الي اقصده ان سوق الحريم بالذات واضح عليه الصبغة الكويتية الخااااالصة

ولك فائق احترامي وتقديري اخوي
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
صناعة العود ودهن العود (( تقرير مصور )) سعدون باشا القسم العام 4 09-05-2010 11:31 PM
الكويت في عيني مصور هنغاري 1956م د. يعقوب الغنيم جون الكويت البحوث والمؤلفات 0 17-12-2009 04:56 AM
التنمية الاقتصادية في الكويت ضمن تقرير دولي AHMAD المعلومات العامة 0 09-09-2009 03:35 AM
تقرير البريطاني (فالانس) عن التعليم في الكويت -1939م الأديب تاريــــــخ الكـويت 4 29-06-2009 03:40 PM
سوق الحريم في الكويت ملتقى الزوار والباحثين عن التراث الغواص تاريــــــخ الكـويت 0 06-07-2008 07:08 PM


الساعة الآن 10:38 PM.


Powered by vBulletin® Version 3.8.7, Copyright ©2000 - 2024
جميع الحقوق محفوظة لموقع تاريخ الكويت