رولزرويس برتقاليه تثير الاستغراب

[ولدالشامي]

سنة 1975 (تقريباولست متأكدا) كانت تقف سياره رولزرويس برتقاليه أمام فندق كارلتون وأحيانا تتجول بالشوارع وبخاصه شارع السالميه وتحمل ركاب بالاجره . كانت الرولزرويس مصبوغه باللون البرتقالي وعليها دوائر بيضاء مكتوب للاجره . يعني مثل صبغه سيارات الاجره بذلك الزمن.

الناس كانت تنصدم وتستغرب من هذا المنظر . رولزرويس وتاكسي (غريبه ) . واستمرت لمده كم شهر فقط . سألنا ونريد أن نعرف ماالقصه ؟ ماعرفناه أنه كان مراهنه أو تحدي بين وكيل السياره وأحد التجارالذي قال له والله لاشتري سيارتك وأعملها تاكسي لكل الناس . وهذا ماحصل . والله أعلم .

[Ebrahim]

السلام عليكم
نعم السيارة برتقالية اللون رولزريس يقال قصتها ان احد راح الشركة وطلب السيارة ان يشتريها ولكن
لم يهتمو بطلبة فاارسل صديق لة واشترها وعناد عليهم حولها تاكسى وكان ساكن بالرقة ق1 الشارع الرئيسى بين ق2 وق1 حتى وصل بالرجل من شدة غضبة ان يشيل بها جت للاغنام اجلكم اللة
وانتشر هذا الموضوع على مستوى العالم(gladiator.64@hotmail.com على فكرة بيتهم بالسابق مكان اللجنةالاسلامية حاليا

[جبله]

السلام عليكم القصه حقيقيه وسمعت فيها ان صاحب السياره كان يشكي من الرولز في ذاك الوقت وان الوكاله ابتدت تتعب من العميل وكان ايامها الوكاله في عمارة المشاري اللي على دوار الشيراتون وكل مايمر عليهم ايحقرونه الحاصل انه قام ايخليها تكد جدام الوكاله رايح راد لين قظبوه في ذاك الوقت وترجوه انه يبيع الياره عليهم بقيمة الجديده هذا اللي سمعته لأن وصل فيه التهديد اذا ما تعاملو مع مشاكل السياره مستعد ايسوي اكثر من جذيه وفعلا تم له اللي يبي وطو صفحتها ولكن بصراحه في ذاك الوقت كانت صدمه هذا اللي سمعته وعلى فكره كان سعرها في ذاك الوقت 22 الف دينار

[ولدالشامي]

الاخوين ابراهيم وجبله الكرام . اسعدني مروركم الطيب . واضافتكم قيمه لانها تضيف معلومه وتثبت معلومات قد لايعرفها البعض . شكرا لكم .

[شيطونه]

وناسه , خوش حركه شكله صج كانوا باطين جبده , يعطيكم العافيه على هالسالفه توني أدري فيها