الامثال الكويتية

[تاريخي]

شكراااااااااااا على الامثال الحلوة

و يعطيك العافية

[IE]

الأمثال البحرية

[AHMAD]

ودوه مبللول هاتوه يالس،
المعنى: راعي البضاعة عندنا جالس
(مثل وقصة من التراث)

• صفة عجم، صفة شام، بلبلول ينقز جدام
(اللسان)
• ما يمدح السوق الا من ربح فيه
• على الهبني (لا شيء مطلقا)

[IE]

• سكانه مرته: يخاف من زوجته ويعمل لها ألف حساب ويسمع كلامها.

• سيده قيده: لا رأي له.

• من عيب ابتلى: حكمة ومثل.

• كبار وناخي: للتندر.

[IE]

(1) «صامت إشتيه على ما بها»
وهذا المثل يضرب لانتهاء الشيء.

(2) «غرني بشراعه سمارى»
يضرب لمن يخدع الناس مظهره

(3) «دفعة مردي والهوى شرجي»
تبرم من شخص ثقيل الدم.

(4) «تمشي بحر باع وادلخ بحر عشره»
مثل يضرب للشخص المخادع

[العثمان]

. أبو طبيع ما يجوز من طبعه

· إذا بغيت صاحبك دوم حاسبه كل يوم

· إذا حبتك عيني ما ضامك الدهر

· إذا حجت البقر على قرونها

· إذا حضر الماء بطل التيمم

· إذا صار رفيجك حلو لا تاكله كله

· إذا طاح الجمل كثرت سكاكينه

· إذا طبع دوس على تريجه

· إذا فات الفوت ما ينفع الصوت

· إسأل مجرب ولا تسأل طبيب

· إش حادك يا المسمار ؟ قال المطرقه

· إصرف ما في الجيب يأتيك ما في الغيب

· أضبط من ساعة الملا

· اقبض من دبش

· أقضب مجنونك لا يجيك أجن منه

· إكل ما تشتهي وإلبس ما يعجب الناس

· إما طلعه ولا طبعه

· إن طاعك الزمن وإلا طيعه

· إنطر يا حمار لما يجيك الربيع

· إنفخ يا شريم قال ماكو برطم

· الباب اللي يجيك منه الريح سده وإستريح

· بات مظلوم ولا تبات ظالم

· بغاها طرب صارت نشب

· بغى يكحلها عماها

· بغيناه عون صار فرعون

· تجيك التهايم وإنت نايم

· ثوب أطول منك يعتك

· جارك ثم دارك

· حاميها حراميها

· حشر مع الناس عيد

· حط راسك بين رجليك وإشهد على والديك

· حط فلوسك بالشمس وإقعد بالذلال (إجلس بالظل)

· خبز خبزتيه يا الرفله إكليه

· خربان من البيضه

· دابة الله بأرض الله

· الذيب ما يهرول عبث

· راعي النصيفة سالم

· رزق القطاوه على الخاملات

· زرع الميانين (المجانين) يطلعه رب العالمين

· شبعونا طراقات وشبعناهم شتايم

· طارت الطيور بأرزاقها

· طقاق روحه ما يصيح

· الطول طول نخله والعقل عقل صخله

· عتيج الصوف ولا جديد البريسم

· عمره ما تبخر ، تبخر وإحترق

· عومه مأكوله ومذمومه

· غصيت فيك يا ماي ، شدفعك في

· فال الله ولا فالك

· قال عندك تاكل ؟ قال لأ . قال عندك تغرم ؟ قال إي .

· قطو وطقيته بمصير

· كثر الدق يفك اللحام

· كلٍ بقلبه شيقاليله (شقاء له)

· كوم حجار ولا هالجار

· لي بغيب الخبر يشيع عطه (أعطه) أم بزيع

· لو جريت جري الوحوش غير رزقك ما تحوش

· لي طار طيرك قول سبيل

· لي فات الفوت ما ينفع الصوت

· اللي في الجدر يطلعه الملاس

· اللي ما يرضى بجزَه ، يرضى بجزَه وخروف

· اللي ما يستحي منك لا تستحي منه

· اللي ما يطول العنقود يقول حامض

· اللي ما يطيع يضيع

· اللي ما يعرف الصقر يشويه

· اللي ماله أول ماله تالي

· اللي مو على دينك ما يعينك

· اللي هذا أوله ينعاف تاليه

· اللي يجي من الله حياه الله

· ما تعينك إلا يمينك

· ما لك إلا خشمك لو كان عوي (أعوج)

· مال عمك لا يهمك

· مخروش طاح بكروش

· مد رجولك على قد لحافك

· مداح نفسه يبي له رفسه

· مكسورة و تبرَد

· من طمع طبع

· نصيبك يصيبك

· هذا سيفوه وهذي خلاجينه (ملابسه)

· الوجه من الوجه أبيض

· يا شين شيء ما شابه هله (أهله)

· يا من شرا له من حلاله علَه

· يفوتك من الجذاب صج وايد

· يمدح السوق من ربح فيه

· يوَد (أمسك) الحبَه وفلَت (أفلت) الدبَه







منقول

[PAC3]

الله يعيطك العافية اخوي العثمان على النقل ....تحياتي

[العدان]

ـ الطير ما يطير إلا من قوّ جنحانه

[بنت كيفان]

اللي ماله أول ماله تالي

ارجومن اى واحد او حده يعرف معنى المثل هذا يكتبه ضروري

ولكم خالص الشكر .

اقتباس: المشاركة الأصلية كتبت بواسطة بنت كيفان    اللي ماله أول ماله تالي ارجومن اى واحد او حده يعرف معنى المثل هذا يكتبه ضروري ولكم خالص الشكر .

هلا بالخت الكــريمه بنت كيفان
كيفان الصمود انا اسميها

اللـــي ماله أول مـالـه تـالـي
الكويتين قبل ... عندهم خـــيال خصـــب و واســع بالتشبيهــه
وبعض اهل الكبار يقولون بدل ما يقولون المثل يقولون
اهـــل الدنيا يقولون .... يعني ما جــاء علي الدنيا ورحـل وتغمده الله رب العالمين
أول = البـــداية او بداية الشــئ = الاســــاس
تالـــي = تفـــيـد بما هو أخر الامــــر
ولكن كلمه تالي ( لها معـــان كثيرة حسب ما تقـــال له ) علي سبيل المثال
لمــن ضيع هـــويــة اقصــد لمــن اتبـــع التطور و التغـــير ونـســــي بداية
نشــاته و أصل نشاته وأســــاسه وعليــــها غـــير معالم حياته
وفي مثل مـــرادف له يقول المثل
مالك الا خشـــمك لو كــان عــوي
ومن تعظم على الزمانـه هانــه
جارك جارك لو الزمن جارك

والله اعلم