الدار جارت - لفهد بورسلي
سبحان الله كأن الشاعر الكبير فهد بو رسلي عايش ويانا !!!!
الله يعلم متى قال هالقصيدة، بس لو كان عايش في هالأيام جان علوم
الدار جارت
الدار جارت ماعليها شافه
والحر فيها شايف معافه
بالك تكاثر صدها و إن صدت
عادتها عقب القبول أنكافه
دار لغير عيالها مشكورة
ولا إبنها تلعن أبو أسلافه
دار يعيش بها الغريب منعم
وتعيش فيها أم أحمد العجافه
دار أوصفها عجوز شمطا
همازة مناعة حلافه
تغذي عيال الناس و تداويهم
وعيالها لعيونهم خطافه
آسف على الطيب تردى حاله
ولا الردي مامن عليه حسافه
مثل الحمامة فرخها في البيضة
عند طيرانه تنكره و تعافه
هذا جزانا زين سوت فينا
خل الغرق مايوهل النزافه
حنا تقاطعنا و شنا نفوسنا
والزود خلانا على مهيافه
والحسد و البغضا و قل الرحمة
ماواحد فينا سعى بأنصافه
يالله دخيلك عقب ذيك النخوة
مامن من الواجب ولا طرافه
نصبر غصب أو طيب هذي القسمة
لو نلحس التمرة ورى الخصافه
|
العرض الشجري
