يعطيكم العافيه شباب ماقصرتوا والله
اكو كلمات فعلا الناس كانت تستخدمها بالاول استخدام غير اللي الحين لان اصلا قامو مايعرفون معناها وقالوها
يعني اكو الحين بعد كلمات قولونها الشباب والله ماتحضرني الان ولاني مهتمه بالموضوع من ناحيه اللغه العربيه واللهجه المحليه
لا لشيئ الا للعلم والتعلم
فاحيانا اسمع من عيالي كلمات يستخدمونها على غير معناها ويقصدون فيها شيئ اخر والله لا اذكر الان
يعني كنا نتكلم انا وبنتي من جم يوم وقالت تعبير باللهجه فقلت لها شتقصدين قالت كذا وكذا
قلت من يقول
قالت احنا كلنا نقول جذيه
وطبعا المعنى كان خاطئ تماما
فاعتقد انه ربما تناقل الناس بعض الكلمات بطريقه خاطئه بنفس الطريقه هذي
اما كلمه لعنبودارك
فهي طبعا فيها لعن وهذا مالايجوز ان يقال للمسلم وهي الطرد من رحمه الله
ولكنهم لايدركون ذلك فتقال اصلا عفويه دون قصد فنرجو ان لايستعملها الناس لانها ماتجوز تقال ...
يقولون الاولين واحنا بعد مازلنا نقول ::: ماسنت
حاولت اسال من هم حولي اكبر مني سنا
سالتهم هل تعرفون مهنى كلمه ماسنت
قالوا هذي كلمه تقال قديما يعني بمعنى مايصير جذيه
لكنهم للاسف لايدركون ان كلمه ماسنت
انها تعنى اي لم تكن سنه من قبل اي انه لم تسن من قبل الرسول صلى الله عليه وسلم او لم تسن من قبل الانبياء ...
ماهي من السنن المعروفه
فاذا قلت شيئ وانكروه عليك يقولون لك بعد ماقط سمعنا ان هذا يصير ماسنت بعد
اي لم يسن من قبل فهم ينكرونه
والله اعلم .....
يقولون بعد القوري ..... يقولن ايا القوري
والله اعتقد والله اعلم ان معناها يعني مثل اللعوب او المخادع او ماشابه ذلك
وارجو ان تعدلون لي اذا غلط ...
وكلمات كثيره لاتحضرني الان
ربما اتذكرها واكتبها من الذاكره كما كنا نستخدمها ....اذا اسعفتني الذاكره باذن الله
وشكرا لكم
|
العرض الشجري
