الساعه المباركه أختي الشموخ وانا اشكرك لأنك تساعديني علي تذكر أشياء جميله وقديمه جدا.
التصوير لتلاميذ الروضه كان بالحديقه وكان يحضر مصور خاص معاه كاميرا كبيره وللأسف ما عندي صور الروضه واعتقد احد من الأهل محتفظ فيهم.
الخبيز اعرفه وكان منتشر بكل الساحات الترابيه وبحجم كبير ما شاء الله. واللي أتذكره عدل ريحة الحليب اول ما نوصل الروضه الصبح لان العاملين بالكفتيريا يستعدون لتقديم وجبة الريوق وهي حليب ابيض دافي مع توست وبسكويت وبيض وموزه او تفاحه. وطبعا قبل وجبة الغداء تنتشر ريحة العدس هههههه.
اتذكر ان متعة اليوم الدراسي تستمر حتي عقب دوام الروضه لان عمي الله يرحمه كان يأخذنا لمزرعة جدي الله يرحمه وتقع مقابل الروضه وكنت أنا مع اخوي وعيال عمي تقريبا 6 أطفال يوميا مع بعض. وكنا نروح للمزرعه انلقط كنار.
اتذكر اللي كانو معاي بروضة حمزه عيال الخلف السعيد والقشعان وعيال جيرانا الله يذكرهم بالخير.
|
العرض الشجري
