انا اقوولك ليش لان صار الجيل الجديد يستحي يتكلم باللهجه اهل الكويت القدامي الي احنا منهم وفيهم وصاروو يستعيرون منها والطامه الكبرى قامو يجيبون كلمات ماندري شنووو اصلها هاااي سي يو ليتر وتيك كير وين قاعدين احنا
اللهجة الكويتية الأصيلة فيها من أدب الحوار الشئ الكثير لما تحتويه من حِكَم ومفردات رائعة المعاني
أتمنى أن أشاهد مسلسل كرتوني يعلم ويذكر أطفالنا ب "اللهجة الكويتية القديمة الأصيلة" والعادات أيام أول... في قالب وعمل تلفزيوني يحبه الطفل... لأنهم الجيل القـــــــادم لا محاله
شكراً للأخ الكريم ’’الأديب‘‘ على هذا الموضوع المهم والشكر موصول لكل الأخوة والأخوات المشاركين
أتفق مع اخواني المعلقين في مايتعلق بأمن اللهجة الكويتية. اللي نشوفه حالياً يحز بالنفس من البدليات وأخطاء بالنطق وحجي على سنع ماكو. الحمدلله إن الكويت فيها ناس غيورين على لهجتها من أدباء وكتّاب أمثال حمدالسعيدان، وعبدالله النوري وأيوب الأيوب وغنيمة الفهد ود. ليلى السبعان وخالد الرشيد وفؤاد المقهوي وغيرهم من الطيبين رحم الله من ودعنا وحفظ من معنا. الكتّاب سالفي الذكر لهم كتب وزوايا في الجرائد حافظة للهجة الكويتية ومعروفة عند الكل، ولكن المشكلة إن شباب هالوقت إلا مارحم ربي مالهم بالكتب وكانت هذه مشكلة بسبب ثورة الإنترنت اللي خلت الناس تهجر الكتب والمكتبات، ولكن لو خليت خربت، ففي مجموعة من الشباب الغيورين على لهجة الكويت مسوين موقع (BLOG) متخصص باللهجة الكويتية اللي أهو: www.7achy.com
دشيت الموقع وشفت شي يفرح والله ويشكرون أصحاب هالموقع، فعلاً استغلوا شعبية الإنترنت وسووا موقع يعلم اللهجة الكويتية ومصادرهم تقريباً جميع الكتب المتخصصة باللهجة الكويتية. طبعاً كل يوم أو كل يوم وترك يضيفون كلمة يديدة مع شرح بالعربي والإنجليزي لمعناتها وأصلها في اللغة ومثال سياقي لها ومقطع صوتي حق طريقة نطقها. ماشاء الله عمل رائع يشكرون عليه وهذا شي يدل إن الدنيا للحين فيها خير.
مسلسل كرتوني يعلم ويذكر بلهجتنا
العرض المتطور
